Alfred Lela jep alarmin/ Dy deputetë të Lulit kanë ngelur të vetmuar

17 Nëntor 2017, 10:26, Aktualitet CNA

Dy nga deputetët e rinj të Lulzim Bashës, karaktere qesharake të këtij parlamenti, duken të trembur, të pafuqishëm dhe të braktisur.

Janë personazhe të cilët kërkojnë ekspozim të fortë politik, shkojnë dhe përplasen në parlament, kthehen dhe në qesharakë, por fatkeqësisht sipas zëdhënësit të tyre nga një portal periferik, ata janë të vetmuar dhe të pambështetur.

Në një koment të tij Alfred Lela shkruan se ?sponsori? i tij Agron Shehaj dhe miku i tij Ervin Salianji janë zëra të fortë parlamentar, por të vetmuar dhe të papërfshirë në ?koncertin? e opozitës.

?Ata i kanë interpretuar mirë rolet e tyre dhe kjo mund të kishte qënë edhe më lehtë e dukshme nëse zërat e tyre do të inkuadroheshin në koncertin opozitar.

Por, nuk ka ndodhur kështu. Shehaj dhe Salianji kanë luajtur solo. Po të shihen materialet filmike, në të gjitha rastet kur ata janë përfshirë në debate apo përplasje, kuptohet qartë se janë lënë vetëm.? -shkruan Alfred Lela.

Por pse janë lënë të vetmuar, demokratët e zjarrtë të Lulit dhe miqtë e Alfred Lelës.

Nëse me një protagonizëm idiot dhe të tepruar askush nuk mund të marrë përsipër budallalliqet e cilitdo deputet, veprimet qesharake janë personale, si ato të Shehajt, por edhe ato të Salianjit. Që me fjalimin e parë Agron Shehaj u kthye në ?kllounin? e parlamentit, ndërsa i dyti kërciste tavolinën a thua se ishte duke çarë dru në Lozhan të Korçës.

Po u bërë qesharak të tallin dhe të përbuzin, nuk të lënë të vetmuar, port ë hedhin në kosh të plehrave, e jo më të të futin në ?koncertin? politik të opozitës.

?Jorida Tabaku, që kryeson demokratët në Komisionin e Ekonomisë si nënkryetare, ka qënë indiferente sa herë Shehaj është përfshirë në debat. Edhe kur përplasjet i kanë kapërcyer kufijtë etikë, siç ishte rasti i gërmushjes ciklopike të Anastas Angjelit. Tabaku, duket se ndjehet më rehat me kundërshtarët e vjetër, se sa me partnerët e rinj.?- shkruan Lela.

Por çfarë mund ti bëjë Jorida Tabaku budalliqeve që thotë Agron Shehaj në parlament. Ai as vetë nuk e di se çfarë thotë, ose ato që ja përgatisin nuk di ti interpretojë. Ndoshta ja shkruan vetë Lela apo ndonjë tjetër, por kjo nuk mjafton. Mos Lela pret që Jorida Tabaku të çohet në këmbë, të nxjerrë kthetrat si shqiponjë dhe të shkojë ti çjerrë maskën Arben Ahmetaj, që nuk e kupton dhe ndoshta i duket budalla Agron Shehajt, ose e vendos në një rol të tillë.

Më tej Lela përmend dhe mikun e tij Ervin Salianjin, ?Flamur Noka, që për Sali Berishën të ha mëlçinë, kur Ndreu dhe Sterkaj po e “shqyenin” Salianjin, nuk duket se ka lëshuar më shumë se dy murmurima. Sigurisht, Doktori dhe deputeti i ri i Korçës kanë të përbashkët vetëm pak “Sali”, njëri në emër e tjetri në mbiemër, por demokrat mbetet edhe ai, gjithsesi.?

E para Flamur Noka nuk është aq ?koqe? sa çmendon dhe shpreson Lela. Të marrë shpatën dhe si një jeniçer të sulet mbi kundërshtarët politik sepse po i thonin Ervinit ?mos provoko? dhe më pas po e tallnin, ashtu si dhe Shehajn edhe Salianjin, socialistës i vunë në lojë sepse të tilla pozicione marrin.

Salianji u trondit dhe u ndie i kërcënuar, por çfarë duhej të thoshte Genc Strazimiri në këtë rast të cilin e kanë rrahur me rripa dhe grushta në parlament, dhe nuk kemi dëgjuar të qurravitet në foltoren e parlamentit ?obobo mami më rrahën? apo si në rastin e Salianjit ?obobo mami do më rrahin?.

Në rast se këta dy deputetë të Lulit shkojnë dhe bëjnë “Tarzanin” kur janë lepuj, dhe mendojnë se do fshihen pas grupit të PD-së, mendojnë gabim, edhe pse gjysmat e deputetëve të grupit të PD janë të rinj, pra ?Lulzimsa? si këta dy të mësipërmit, të gjithë e kanë kuptuar se protagonizmi i Salianjit dhe Agron Shehajt janë qesharakë dhe të pakuptimtë, prandaj dhe deputetët e tjerë janë distancuar prej tyre për të mos u quajtur budallenj që ndjekin nga pas disa të çmendur në politikë./ CityNews