web counter
LEXO PA REKLAMA!

SHKARKO APP

App Store
Google Play

E fundit!

x

Krimet e Rënda kërkojnë burg të përjetshëm për Denis Shtrazën

17 Nëntor 2017, 08:35, Aktualitet CNA

Në seancën e sotme në Gjykatën e Krimeve të Rënda, prokuroria ka kërkuar dënim më burgim të përjetshëm të Denis Shtrazës, i cili akuzohet se në bashkëpunimin me Ervin Dalipaj kanë rrëmbyer dhe vrarë Gazmend Çollakun në Durrës.

Ky i fundit u rrëmbye dhe u vra me armë zjarri në 6 janar 2016. Gjykata i la dy javë kohë avokatëve të Denis Shtrazës për të përgatitur mbrojtjen. Në seancën e 30 nëntorit pritet që të jepet edhe vendimi.

Denis Shtraza është njëri nga personat e akuzuar për rrëmbimin e Çollakut, ndërkohë që për ish-oficerin e dyshuar bashkë me të, Ervin Dalipaj, gjykimi u pushua pas vrasjes së tij, Dalipaj, nga dy persona të paidentifikuar.

Sipas prokurorisë për shkak të rrezikshmërisë së lartë shoqërore që paraqet Shtraza ai duhet të transferohet në një burg të sigurisë së lartë.

Prokurorët bazohen në këto prova. E para sipas tyre është se në makinën në pronësi të Ervin Dalipaj janë gjetur njolla gjaku, të cilat pas analizës së AND-së rezultojnë se përputhen me gjakun e viktimës.

Ndërsa një tjetër provë është se sipas prokurorëve Gazmend Çollaku dhe Denis Shtraza kanë pasur konflikte të ashpra mesa tyre, që kanë shkruar deri në atë shkallë sa Çollaku ka tentuar vrasjen e Shtrazës, por ky ka shpëtuar, vetëm është plagosur. Ndërsa më pas sipas prokurorëve ka qënë Shtraza në bashkëpunim me Dalipaj, të cilët kanë organizuar rrëmbimin dhe vrasjen e Gazmend Çollakut.

Denis Shtraza ka mohuar të ketë lidhje me vrasjen e Çollakut, ai ka pranuar takimin me Dalipaj, por sipas tij nuk ka lidhje me ngjarjen në fjalë.

Prokurorët thonë se kjo bie poshtë, pasi në dëshmitë e tyre Dalipaj dhe Shtraza kanë bërë deklarata kontradiktore./ CityNews





Lajmet e fundit nga