web counter
LEXO PA REKLAMA!

SHKARKO APP

App Store
Google Play

E fundit!

x

Gjoba për këmbësorët/ Ja plani i policisë rrugore

16 Nëntor 2017, 18:12, Aktualitet CNA

Rritja e parametrave të sigurisë në rrugë, ka shtyrë policinë që të hartojë një plan të ri masash.

Në këtë plan përfshihen edhe masa administrative ndaj këmbësorëve, pasi këta të fundit rezultojnë si shkaktarë të shumë aksidenteve të ndodhura. Policia parashikon që së pari të fillojë me këshillim dhe paralajmërim të këmbësorëve që të sensibilizohen në zbatimin e rregullave të qarkullimit rrugor, dhe më pas do të aplikohen edhe masat administrative.

Këto masa merren me synim të rritjes së sigurisë dhe parandalimit të aksidenteve.

Në këtë plan te ri, përcaktohen:

? Planimetria e vendosjes së shërbimeve,
? Mënyra e kombinimit të radarëve në akset rrugore të brendshme por edhe në akset nacionale që lidhen me Tiranën me qëllim evidentimin dhe ndëshkimin e drejtuesve të mjeteve që qarkullojnë me shpejtësi tej normave të lejuara,
? Koordinimi i shërbimeve me Patrullat e Përgjithshme dhe Shqiponjat duke evidentuar dhe ndëshkuar në kohë, në çdo aks rrugor shkelësit e Kodit Rrugor,
? Kontrolli në mënyrë të pandërprerë me aparatin ?Drager? për parandalimin e përdorimit të alkoolit gjatë drejtimit të mjetit.
Nisur nga analizimi i rasteve të fundit të aksidenteve, rezulton se kemi një shtim të shkeljes së rregullave të qarkullimit nga këmbësorët.
Në këtë kuadër, në zbatim të Planit Masave të Ri janë hartuar disa detyra shtesë si më poshtë:
? Vendosje e shërbimeve të Policisë Rrugore apo të Patrullave të Përgjithshme, në vendkalimet për qytetarët në pikat ku ka më shumë lëvizje të qytetarëve, por pa lënë jashtë vëmendjes edhe pikat e tjera, me qëllim monitorimin, këshillimin dhe orientimin e qytetarëve për të respektuar rregullat e Qarkullimit Rrugor.
Pas një periudhe të caktuar sensibilizuese e ndërgjegjësuese, Policia Rrugore do aplikojë edhe masat administrative për qytetarët që nuk zbatojnë rregullat e Qarkullimit Rrugor. /CityNews





Lajmet e fundit nga