web counter
LEXO PA REKLAMA!

SHKARKO APP

App Store
Google Play

E fundit!

x

Buxheti rrit taksat/ Opozita paralajmëron protesta

16 Nëntor 2017, 18:01, Aktualitet CNA

Deputetja e Partisë Demokratike, Jorida Tabaku, e ftuar në studion e lajmeve të “SYRI.net”, ka sulmuar qeverinë për buxhetin e vitit 2018.

Sipas Tabakut, ky projekt buxhet parashikon vetëm rritje taksash, e kësisoj qeveria do të përballet me rritje të aksionit qeveritar, ndërsa Partia Demokratike do të jetë në ballë të protestave qeveritare.

“Ky buxhet nuk parashikon asnjë investim për qytetarët, por vetëm futjen e duarve në xhepat e tyre. Opozita dhe partia Demokratike do të vijojë të jetë në ballë të denoncimeve dhe protestave të qytetarëve”, – deklaroi Tabaku.

Teksa shpjegoi atë që opozita ka parë në këtë projektbuxhet, Tabaku u shpreh:

“Projektbuxhetin e kemi diskutuar në Komisionet parlamentare, dhe i kemi parë në të dyja anët. Ne kemi diskutuar jo vetëm rritjen e pagave dhe pensioneve por edhe rritjen e taksave.

Rrit taksën për bizneset e vogla, mbi 50 mijë biznese të vogla do të paguajnë 20 për qind, që do të thotë rritje të ushqimeve.

Rritje të taksës së pronës, që do të përfitojnë vetëm disa biznese selektive. Nëse kjo rritje taksash galopante do shoqërohej dhe me investime publike apo dhe rritje të pagave dhe pensioneve do të ishte normale, por ky buxhet nuk ka asnjë prioritet.

Qeveria me të vërtetë thotë se kemi një faturë të investime publike, por në këtë faturë 12 miliardë lekë janë koncensionet që qeveria do të duhet ti paguajë, pasi i ka lidhur kontratë”. /CityNews





Lajmet e fundit nga