E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Gjykata dhe ZRPP e Elbasanit çerdhe korrupsioni/ Hallexhinjtë mbushin korridoret, sekserët japin vendimet

16 Nëntor 2017, 14:38, Aktualitet CNA

Nga Robert Rrasa

Në Gjykatën e Elbasanit, dhe ZRPP e këtij qarku korrupsioni tashmë është bërë një nevojë, apo domosdoshmëri, është bërë si kafeja e mengjesit. Në ato institucione që vetëm drejtësi nuk japin prej 27 vitesh, duket se hallexhinjtë nuk kanë shansin të marrin ndonjëherë të drejtën sipas ligjit. Këto dy institucione që lidhen direct me zbatimin e ligjit në çdo hallkë të tyre, prej vitesh janë kthyer në vatra korrupsioni, dhe kjo duket sapo futesh tek dera, tek sportelet, e derisa mbërrin tek zyrat, sallat, ku do të përshëndetesh me sekserë që të drejtojnë drejt fitores apo humbjes së një vendim të mbështetur ose jo në ligj, por në varësi të njohjes apo ryshfetit të dhënë. Bazuar në denoncimet dhe deponimet e qytetarëve, (madje dhjetra prej tyre ndodhen edhe në organin e akuzës) vendin e parë e mbajnë gjyqet e pronave, dhe menjëherë pas tyre vijnë ato të penale, si vrasje plagosje, grabitje, etj, ku pazaret nuk rreshtin së rrituri dita-ditës.

Pas shumë denoncimeve në media, duket se qytetarët hallexhinj mendojnë se Ministria e Drejtesisë dhe KLD duhet të vendosin drejtësi me masa konkrete ligjore ndaj atyre që po u pijnë gjakun, dhe u po u zhvatin lekët qytetarëve madje duke deformuar ligjin në ZRPP dhe Gjykata. Kështu një pjestar i familjes e njohur si pronare e 32 hektareve tokë në dhe objekteve të tjera në disa prej lagjeve më të vjetra te qytetit, ka deklaruar se zvarritjet dhe sorollatjet e bëra nga ZRPP dhe gjyqtarët e Elbasanit dhe kjo për të treguar dhe kërkuar një të drejtë legjitime, për të marrë pronën e të parëve të saj.

Qytetarja M.M. banon në lagjen ?Hekurudha? ku mbi një pjesë të vogël toke të mbetur pas grabitjeve dhe ka ngritur një banesë modeste. Por qytetarja M.M. tregon se, ?sorollatjet në dyert e Gjykates dhe Hipotekes, për mua kanë nisur prej 20 vitesh, por në zyra nuk gjen zyrtarë por sekserët e tyre, ku fjala e parë është pazari, të tatojnë pulsin dhe madje edhe të bëjnë presion, duke treguar se, ?jemi të plotfuqishëm dhe të paprekshëm?, trojet e babait tim sot i kanë pushtuar njerëz anonimë, ?të fortë?, të cilët duke kompromentuar Hipotekën, KKKP dhe gjyqtarët, kanë arritur të firmosin dhe vulosin Vërtetime-Pronësie?.

Skandalet e familjet elbasanase, që llogariten në afro 1460 të tilla, kanë vite që qarkullojnë në Hipoteke, dhe korridoret dhe sallat e Gjykates së Elbasanit. Pazari për marrjen e pronës tënde varion nga 20 mijë euro, dhe kjo shifër bëhet më e lartë kur trualli që kërkon ka mbivendosje në më shumë se 3 familje. Kështu ish-pronarët elbasanas akoma u duhet të vuajnë pasojat e marrëzisë dhe korrupsionit që lanë pas ish-drejtuesit e ZRPP dhe KKP. Janë 406 vendime të firmosura nga ish-drejtuesit e ZRPP dhe KKP në 5-6 vitet e fundit, që sot po sfilitin qindra familje ish-pronarësh nga Elbasani, pasi mbi të njëjtin truall, janë dhënë vendime për 2 apo 3 familje te tjera.

Duke u kthyer vite mbrapa, kujtojmë se pjesa më e madhe e ish-pronareve që morën trojet e tyre pas shortit të hedhur në shtator 1996, sot akoma po vuajnë pasojat shkatërrimtare të veprimtarisë korruptive të ZRPP, KKKP dhe gjyqtarëve. Qindra vendime qysh nga viti 2002 apo 2012, kanë bërë ?pronarë? persona të panjohur, duke zhvatur troje të ish-pronarëve. Qindra vendime të paligjshme kanë future në sherre të pafundme ish-pronarët e vërtetë me pronarët e rinj , të cilët janë bërë të tillë pas dhurimit të ndonjë prona të pamerituar. Kjo shpjegon lluksin gjyqtarëve, të cilët duke përfituar nga imuniteti i profesionit, kanë kthyer zyrat në merkato ku shiten dhe blihen troje, pallate dhe vendime antiligjore. Zinxhiri i korrupsionit që ka përfshirë prej vitesh ZRPP, KKKP, Gjykatën e Elbasanit si dhe mungesa e reformave rradikale në këtë institucion, duket se ka vënë para një dileme të madhe KLD dhe Ministrinë e Drejtësisë. Madje kjo e fundit pas kontrollit të ardhur muajt e fundit, ka relatuar se, ?situata në Gjykatën e Elbasanit mbetet alarmante, masat duhet të jenë urgjente, kemi zbuluar shkelje flagrante tek gjyqtarët, kemi denoncime dhe fakte për korrupsionin e tyre?.