web counter
LEXO PA REKLAMA!

SHKARKO APP

App Store
Google Play

Çfarë mendon Rama për “miqtë” dhe “armiqtë”?

15 Nëntor 2017, 14:44, Aktualitet CNA

Ndër të tjera, gjatë bisedës në ?Studio e Hapur? të gazetares Eni Vasili, kryeministri Rama ka dhënë vlerësime për disa nga figurat kryesore të politikës shqiptare.

Rama foli për Nanon, Berishën, Metën, Blushin, Kryemadhin e të tjerë.

Ne lidhje me ish-kryeministrin socialist, Fatos Nano, Rama tha se kërkonte rregullisht këshilla prej tij, siç tha, meqë dhe ai kishte ecur më parë në rrugën ku po ecte dhe ai tani.

Ndërsa për ish-kryeministrin demokrat, Sali Berisha, Rama u shpreh se padyshim ai ishte një lider, por jo nga ata që pëlqehej prej tij.

?Më shumë e gëzon dështimi i kundërshtarit, sesa suksesi i tij?, tha Rama.

Për rivalin e tij politik, kreun e PD, Lulzim Basha, kryeministri Rama dha vlerësimin se ai thjesht përpiqet të imitojë, pa patur diçka të vetën origjinale.

Për Metën tha se është politikan race; por që kur është fjala tek Kryemadhi, tha se ajo thjesht është bashkëshortja e Metës.

?Një tenxherë pa kapak?, e cilësoi Rama gruan që drejton LSI-në, duke thënë se si e tillë, vetëm zhurmë do bëjë.

Për Blushin tha se e konsideronte ?njeri të familjes?.

Dhe, fakti që ai, siç Rama e kishte paralajmëruar, nuk arriti të ribëhej deputet në kushte të tjera politike, pra me një parti të re të tijën, nuk e gëzonte aspak.

?Gjithsesi meriton konsiderata për guximin që ndërmori?, tha Rama./ CityNews





Lajmet e fundit nga