web counter
LEXO PA REKLAMA!

SHKARKO APP

App Store
Google Play

E fundit!

x

Rektori i Elbasanit ka fshehur dënimin, rrezikon shkarkimin

15 Nëntor 2017, 13:40, Aktualitet CNA

Nga Robert RRASA

Ish -Presidenti Nishani aprovoi dhe dekretoi paligjshmërinë

Një hije skandali ka kohë që ka mbuluar Universitetin e Elbasanit, ose më saktë Rektorin e ri të tij, Skender Topi, i cili nuk dihet se si ka arritur të fshehë dënimin e tij qysh nga viti 2008  lidhur me një aksident me pasojë vdekjen e një personi në aksin rrugor Elbasan-Kombinati Metalurgjik.  Kjo ngjarje kaq e shëmtuar ka vite që njihet nga Policia e Shtetit, nga Prokuroria, nga Gjykata organe të cilat kanë hetuar dhe gjykuar mbi atë që ka ndodhur me ish-dekanin e Infermjerise dhe sot Rektor i Universitetit te Elbasanit. Duke shkelur ligjin, duke shkelur edhe betimin para Presidentit të Republikës, Skender Topi ka fshehur qellimisht dënimin e tij , dhe kjo natyrisht përbën vepër penale. Edhe Ministria e Arsimit mbetet fajtore për shkak të miratimit  në postin e Rektorit të një  njeriu që në gjithë këto vite ka mbajtur të fshehtë dënimin e tij. si mundet që një njeri të futet në garë për Rektor (i vetëm pasi ka blerë dhe presionuar dy prej kolegëve të tij të mos kandidonin) dhe merr guximin të fshehë një denim penal, si mundet që një titullar  (që thuhet se mban edhe grada shkencore) të gënjejë dhe mashtrojë institucionin e Presidentit të Republikës dhe Ministrinë e Arsimit ? Mbetet detyra e organeve kompetente, e Ministrisë së Arsimit dhe organeve të Drejtësisë, të zbardhin çdo të vërtetë që lidhet me mashtrimin e Rektorit të Universitetit të Elbasanit.

Por si ka ndodhur ngjarja

Burimet nga Policia  dhe Gjykata e Elbasanit i thanë ?City News.al?  se ?Topi është arrestuar në flagrancë për një aksident automobilistik në vitin 2008, dhe si rezulton dhe nga dokumentet gjyqësore, më datë 20.04.2008 rreth orës 10.15 nga oficeri i Policisë Gjyqësore është marrë njoftimi se në aksin rrugor Elbasan Metalurgji ka ndodhur një aksident rrugor, nga ku rezultoi se autovetura e tipit ?Benz Mercedez? me targa EL 0501 C, e drejtuar nga shtetasi Gramos Mustafaj është përplasur me autoveturën tip Skoda Oktavia me targa BW 357 WV e drejtuar nga Skënder Topi. Dy mjetet janë përplasur pasi mjeti tip Skoda Oktavia me targa BW 357 WV i drejtuar nga shtetasi Skënder Topi u ka prerë rrugën dhe për pasojë, janë dëmtuar shtetasit G.M, S.P. E. B. të cilët udhëtonin në mjetin tip ?Benz Mercedez?. I plagosur ka mbetur edhe vetë Skënder Topi që është dërguar për mjekim në spitalin kirurgjik Elbasan. Nga hetimi i ngjarjes, policia akuzoi  shtetasin Skender Topi për veprën penale ?Shkelja e rregullave të qarkullimit rrugor? të parashikuar nga neni 290/1 i Kodit Penal, duke bërë edhe arrestimin në flagrancë. Ndërkohë që ndaj tij është marrë edhe masa e sigurisë nga gjykata e Elbasanit sipas dokumenteve të mëposhtme?. Këtë fakt kaq domethënës, Rektori i Elbasanit nuk e ka deklaruar në formularin e dekriminalizimit. Tani për çdo qytetar ngrihet pyetja logjike ?sa real është procesi i dekriminalizimit, ku përveç politikanëve, edhe një Rektor ka fshehur të dhënat e dekriminalizimit ? Kjo pasi ai në deklaratën që ka dorëzuar mbi të dhënat e tij personale, nuk e ka deklaruar arrestimin, dënimin, dhe gjykimin për një aksident të ndodhur qysh në 2008. Pse ish-Presidenti Nishani e dekretoi, pse Ministria e Arsimit e Sporteve e mbuloi, si mundet që një drejtues Universiteti të jetë i dënuar (qofte edhe për një aksident) dhe të marrë  miratimin nga institucionet e larta të këtij vendi, të konkurojë (sepse fitorja e tij dihet si erdhi) për postin e Rektorit ? Këto janë disa pyetje të cilat redaksia jonë i ngre për institucionet e larta të vendit, edhe për Presidentin e Shqiperise Meta, i cili duhet të gjejë rrugën e duhur për ta përligjur ose jo, mbajtjen e postit të Rektorit nga një i dënuar, ndërsa reagim presim edhe nga Ministria e Arsimit./ CityNews





Lajmet e fundit nga