E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Sekuestrohen 70 kg drogë/ Policia jep detaje

15 Nëntor 2017, 13:10, Aktualitet CNA

Policia ka zbardhur detaje të tjera në lidhje me sekuestrimin e një sasie prej 70 kg lëndë narkotike në një automjet tip Golf 5 me targë AA077RZ, që u kap në aksin Shkodër-Hani Hotit.

Policia në njoftimin e saj zyrtar gjithashtu bën të ditur se në pranga kanë rënë shtetasit Fatbardh Hoxha 26 vjeç, banues në Komes, Fushë Krujë dhe Kledi Xeka 29 vjeç.

Njoftimi i policisë:
Finalizohet me sukses operacioni ?NDALESA E FUNDIT?. Sekuestrohen rreth 70 kg lëndë narkotike Cannabis Sativa. Arrestohen në flagrancë 2 shtetas dhe shpallen në kërkim 3 të tjerë. Sot me datë 15.11.2017 nga efektivet e Drejtorisë Vendore të Policisë Shkodër në bashkëpunim me efektivët e Komisariatit të Policisë Malësi e Madhe u finalizua me sukses operacioni policor ?Ndalesa e Fundit? ku u bë arrestimi në flagrancë i shtetasve:

Fatbardh Hoxha 26 vjeç, banues në Komes, Fushë Krujë

Kledi Xeka 29 vjeç, banues në fshatin Halilaj, Fushë Krujë.

Si dhe u bë shpallja në kërkim si bashkëpunëtorë, i shtetasve:

Si dhe u bë shpallja në kërkim si bashkëpunëtorë, i shtetasve:
A. B, banues në fshatin kameras, Fushë Krujë, S.H. banues në fshatin kameras Fushë Krujë E.X. banues në fshatin kameras Fushë Krujë.

Arrestimi i shtetasit Fatbardh Hoxha u bë pasi në afërsi të një karburanti në fshatin Grizhe, Malësi e Madhe, ju gjetën dhe sekuestruan në cilesinë e provës materiale rreth 70 kg Cannabis Sativa të cilen e kishte në automjetin tip Golf 5 me targë AA077RZ.

Gjithashtu arrestimi i shtetasit Kledi Xeka u bë pasi në bashkëpunim me personat e tjerë i cili ishte në drejtim të mjetit Golf 5 me targa AA 911 RV po shoqëronin shtetasin Fatbardh Hoxha për transportimin e lëndës narkotike.

Ndërsa shtetasit e shpallur në kërkim sapo kanë parë policinë janë larguar, pasi të dy mjetet kanë qënë të parkuara tek karburanti. Jane ngritur pika kontrolli dhe po punohet për kapjen e shtetasve të shpallur në kërkim dhe bashkëpunëtorëve të tjerë. Materialet do ti kalojnë Prokurorisë së Rrethit Gjyqësor Shkodër për veprën penale të ?Prodhimi dhe shitja e narkotike?ve e kryer në bashkëpunim? parashikuar nga neni 283/2 i Kodit Penal./ CityNews