web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria në 3 vendet kryesore të pastrimit të parave

14 Nëntor 2017, 11:58, Aktualitet CNA

Në një dalje për mediat, kryetari i PD, Lulzim Basha ka deklaruar se Shqipëria është në 3 vendet kryesore ku pastrohen paratë e pista të krimit.

?Në mars 2017, Departamenti Amerikan i Shtetit e vendosi Shqipërinë në listën e zezë të vendeve kryesore të pastrimit të parave në botë, e quajtur zyrtarisht Lista e Vendeve Kryesore të Pastrimit të Parave. Është hera e parë që Shqipëria është përfshirë në këtë listë që përditësohet çdo vit.”- u shpreh Basha.

Gjithashtu, Basha ka bërë thirrje të ndalet projekti ?1 miliard euro? , pasi sipas tij është mekanizëm i kësaj qeveria për pastrimin e parave të krimit dhe drogës.

Koncesionet e Ramës janë skema të pastrimit të parave. Paratë e ndershme po largohen dhe vendin e tyre po e zënë paratë e pista. Në Shqipëri nuk po kryhet më asnjë investim i huaj.?- deklaroi Basha.

Ndër të tjera, kreu i opozitës tha se paratë e pista nuk i pastrojnë vetëm kriminelët, por edhe politikanët qeveritarë, të cilët sipas tij blejnë vila me paratë e pista të krimit.

Basha ka akuzuar kreun e qeverisë, se ka kthyer Shqipërinë në hambar droge dhe zonë të lirë të krimit.

Basha ka bërë thirrje që çdo koncesion i qeverisë të hetohet me detaje nga prokuroria dhe ndërkombëtarët.

?Depërtimi i krimit në ekonomi duhet të ndalet tani?- u shpreh Basha./ CityNews





Lajmet e fundit nga