web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e ish-ministrit/ Edi Rama, autori i ekonomisë informale të hashashit

14 Nëntor 2017, 09:54, Aktualitet CNA

Ish-ministri i Drejtësisë, Ylli Manjani ka reaguar pas fjalimit të kryeministrit në konferencën ?Bankat dhe Rritja e Ekonomike e Shqipërisë?.

Manjani e etiketon Ramën si një të pandehur që flet për ligjshmërinë, ndërsa pyet edhe guvernatorin e Bankës së Shqipërisë se si mund të liçensohen banka me aksionerë, kapitalet e të cilëve vijnë nga bota e Off shore.
Në fund, ai shkruan se largimi sa më i shpejtë i krye autorit të Informalitetit, do ta reduktojë informalitetin.

Ja statusi i plotë:
Më mirë tani, se më vonë do jetë shumë vonë!
______________________
Krye i Pandehuri, (krye) autori i ekonomisë informale të Hashashit, po na mban leksione edhe për bankat dhe për ekonominë formale.
Hapu dhè! Të na përpijë më mirë, sesa të shohim (krye)informalin të na flasë për formalen! Krye të pandehurin që flet për ligjshmërinë! Krye shkelësin e barazisë para ligjit, që flet për “zbatim të ligjit për të gjithë njësoj”!
Fundja ky, si i kapur ne flagrancë, në krye të krimit dhe ekonomisë informale këtë punë ka: të shesë dengla me gjera që vetë i shkel, i dhunon e i përçmon!
Po një pyetje e kam për Guvernatorin e Bankës së Shtetit: Si mund të liçensohen banka me aksionerë, kapitalet e të cilëve vijnë nga bota e Off shore?! A mund të flasim ne sot për sistem bankar të besueshëm dhe për ekonomi formale, kur nuk njohim pronarët e bankave?
Edhe FMN e ngre këtë pyetje… Prandaj, kjo çështje meriton, jo thjeht një përgjigje, por një reagim të rreptë!
Nëse ligji lë hapësira, duhet rregulluar sa më parë! Përndryshe lumi i parasë së vënë nga hashashi do futet ne banka dhe Shqipëria do behet shumë shpejt një imituese e parajsave fiskale, por që mbaron si firmat piramidale!!!
Këto ndërhyrje, sigurisht nuk mund ti kërkohen krye autorit të informalitetit! Detyra e misioni i tij është dhunimi i sistemit legal!
Largimi sa më i shpejtë i krye autorit të Informalitetit, do ta reduktojë informalitetin! Por ndërkohë Guvenatori dhe deputetët e opozitës duhet të reagojnë. Ata nuk varen nga Krye i Pandehuri!
Duhet reaguar tani. Më vonë do jetë shumë vonë! /CityNews





Lajmet e fundit nga