E fundit!

17:51 Aktualitet

Helmimi i studentëve/ SORI-AL: Asnjë konfirmim nga institucionet, kush mban përgjegjësi për dëmin ndaj biznesit

Kompania SORI-AL përmes një deklarate zyrtare bën me dije ...

Dokumenti/ Kumbaro gënjeu në komisionin për Butrintin

14 Nëntor 2017, 18:21, Aktualitet CNA

Dalin në dritë fakte të reja se Ministria e Kulturës jo vetëm që nuk është konsultuar me UNESCO përpara se t?i jepte lejen një kompanie private për të ndërtuar një kompleks shërbimesh në brendësi të Parkut Kombëtar të Butrintit, por edhe pezullimin e punimeve nuk e ka bërë me kokën e saj por me kërkesë të UNESCO.
Ky dokument që disponon Shqiptarja.com dëshmon se ministria Mirela Kumbaro e gënjeu komisionin parlamentar të medias kur i deklaroi se pezullimi nuk ishte kërkuar nga UNESCO. Ky dokument i datës 9 Tetor 2017 siguruar nga Report TV, është hartuar nga Mechtild Rossler drejtoreshë e Qendrës për Trashëgimisë Botërore në UNESCO.

Letra i drejtohet Zonjës Venera Domi Ambasadore e Shqipërisë në UNESCO.
Në letër shkruhet se: ?Qendra e Trashëgimisë Botërore në UNESCO përmes raportimeve në media është njohur për ndërtimin që po ndodh në Butrint, shpallur Trashëgimi Botërore, ndërtim I cili mund të ndikojë në vlerat universale që mbart Butrinti.

Për t?u siguruar që atje nuk ka një impakt negative të vlerave universale unë do t?ju lutesha që autoritetet kompetente të ndalojnë punimet e reja deri në momentin kur të kemi një vlerësim të projektit nga Trupa Këshilluese Ndërkombëtare ICOMOS?.

Kryetarja e komisionit parlamentar të medias, Albana Vokshi i tha ministres Kumbaro se: ?Janë një, dy, tre, katër gjëra që i keni shkelur. UNESCO ju tha ndërprisini punimet në mënyrë urgjente?.

Përgjigja e ministres Mirela Kumbaro ishte: Jo, nuk tha ashtu, nuk është e vërtetë. Unë s’e kam problem t’i hap dhe njëherë ato dosje e t’i lexoj këtu

VIDEO/ Debatet në Komisionin e Medias, Vokshi-Kumbaro

Albana Vokshi insistoi duke e pyetur ministren: A ju ka kërkuar UNESCO ndërprisni punimet, derisa projekti të shikohet nga institucionet përkatëse të UNESCO-s?

Përgjigja e ministres Mirela Kumbaro ishte: E përsëris, nuk është e vërtetë.

Por cila është e vërteta? A janë të sakta deklarimet e ministres Kumbaro gjatë seancës dëgjimore në komisionin e Medias? Deklarimet në komisionin parlamentar të Medias nga ministria Kumbaro përmes këtij dokumenti faktohen se janë të gënjeshtërta.

Dokumenti i datës 9 Tetor 2017 siguruar nga Report TV, hartuar nga Mechtild Rossler drejtoreshë e Qendrës për Trashëgimisë Botërore në UNESCO. /Shqiptarja.com