web counter
LEXO PA REKLAMA!

SHKARKO APP

App Store
Google Play

E fundit!

x

Shkarkimi i kryetarit të KQZ/ Zbulohet shkresa që rrëzon pretendimin e PS

14 Nëntor 2017, 16:42, Aktualitet CNA

Një ditë më parë kryeministri Edi Rama, kërkoi nisjen e procedurave për shkarkimin e kreut të KQZ-së, Klement Zguri, me pretendimin se nuk ka lajmëruar anëtarët e KQZ-së për dokumentacionin e Prokurorisë për kreun e Bashkisë Mallakastër, Agron Kapllanaj.

Por shkresa e publikuar nga gazeta “Panorama”, rrëzon pretendimet e Partisë Socialiste, pasi dokumenti i Prokurorisë për Kapllanajn është protokolluar dhe u është shpërndarë anëtarëve të KQZ.

Materialet nga Prokuroria kanë mbëritur në datën 16 tetor në KQZ dhe janë protokolluar më 17 tetor.

Në shkresën sqaruese të Drejtorisë së Burimeve Njerëzore, dërguar anëtarit Hysen Osmanaj, thuhet se ?në datë 17.10.2017 është bërë nxjerrja e këtyre shkresave nga zyra e Kryetarit të KQZ-së dhe po në datën 17.10.2017, është bërë dorëzimi për anëtarët e KQZ-së, tek sekretarja Elna Dai, e cila ka nënshkruar në regjistrin përkatës për marrjen në dorëzim të këtyre shkresave me numër kopje gjashtë?.

Në dokumentacionin e Prokurorisë sqarohet se vepra penale e konsumuar nga Kapllanaj është parashkruar, pasi ka kaluar afatin 10-vjeçar. Kjo ka bërë që çështja të arkivohet.





Lajmet e fundit nga