web counter
LEXO PA REKLAMA!

SHKARKO APP

App Store
Google Play

Abuzimet e LSI me hekurudhën/ Punonjësit marrin pagat pa shkuar në punë

12 Nëntor 2017, 12:36, Aktualitet CNA

Drejtoria e Përgjithshme e Hekurudhës është kthyer në ?dorë e ngrohtë? e abuzimeve për Lëvizjen Socialiste për Integrim . Ky institucion i rëndësishëm i ekonomisën për pesë vjet është drejtuar dhe vazhdon të drejtohet nga administratorë partiakë të LSI dhe gjendja aktuale e saj është një batërdi e tërë ekonomike, financiare dhe funksionale.

Së bashku me konstatimin, duke ju referuar burimeve konfidenciale anonime gazeta ?sot? raporton se ka siguruar fakte që vërtetojnë disa nga shkeljet më të mëdha që janë konstatuar në këtë institucion, sidomos gjatë dy viteve të fundit.

Punësimi pa kriter të personelit drejtues është një nga abuzimet e sjella në vëmendje. Nga fillimi i këtij viti deri në muajin qershor 2017, u punësuan me porosi partiake punonjës, duke shkelur jo vetëm kriteret e marrjes në punë, por duke tejkaluar edhe numrin e fuqisë punëtore të planifikuar nga Bordi Drejtues i ndërmarrjes.

Kjo situatë është përqendruar veçanërisht në Drejtorinë e Infrastrukturës, ku burimet thonë se: shumica e të punësuarve nuk janë paraqitur në punë, por pagën e kanë marrë dhe vijojnë ta marrin edhe sot e kësaj dite. Dhe të tillë nuk ishin pak, por afro njëqind persona. Mekanizmi i zgjodhur  për të realizuar këto punësime janë kontratat 3-mujore, që kushtëzonin dhe largimin e tyre pas zgjedhjeve. Kjo shkelje e rëndë u shoqërua me kallëzim në Prokurorinë e Rrethit Durrës, mirëpo ende nuk kanë filluar hetimet./CityNews





Lajmet e fundit nga