web counter
LEXO PA REKLAMA!

SHKARKO APP

App Store
Google Play

Vendimet më skandaloze që ka dhënë gjyqtari i arrestuar i Apelit

11 Nëntor 2017, 18:11, Aktualitet CNA

Shkëlqim Miri, që aktualisht ndodhet në qelitë e burgut i akuzuar për korrupsion, njihet si një prej tre gjyqtarëve që konfirmuan vendimin për ngjarjen më të rendë kriminale që mbartëte implikimin e zyrtarëve të lartë të shtetit shqiptarë, atë të Gërdecit, ku mbetën të vrarë 26 vetë dhe u plagosën me qindra të tjerë.

Manovra që trupa gjykuese e Apelit bëri me dosjen Gërdeci, ndryshe nga shkalla e parë, ishte ajo e aplikimit të gjykimit të shkurtuar, duke sjellë zbritjen direkt të një të tretës së dënimit për të gjithë të pandehurit, ku kryesorët ishin ish-drejtori i fabrikës së demontimit Dritan Minxholli, biznesmeni Mihal Delijorgji dhe përfaqësuesi i firmës shtetërore të tregtimit të armëve, nën vartësi të Ministrisë së Mbrojtjes, MEICO, Ylli Pinari.

Por gjyqtari Shkëlqim Miri gjendet të ketë qenë pjesë edhe në dhenien e masës së sigurisë ndaj të arrestuarve për vjedhjen e shekullit të ndodhur në Bankën e Shqipërisë, pas një shorti të hedhur nga gjykata.

Mes kërkesave të dorëzuara në Apel ishte edhe kërkesa e ish-guvernatorit Ardian Fullani, për të cilin treshja e gjyqtarëve, ku bënte pjesë edhe Shkëlqim, Miri dha pafajësinë.

Në korrik të vitit 2013 Shkëlqim Miri ishte anëtar i trupit gjykuese që pezulloi ekstradimin në Itali të të akuzuarit për trafik droge dhe prostitucioni, Gëzim Çela.

Për të gjitha këto ?merita? gjyqtari i Apelit, Shkëlqim Miri, aktualisht I burgosur, u bë pjesë e Këshillit të Lartë të Drejtësisë, I zgjedhur çuditërisht nga komuniteti I gjyqtarëve. /CityNews





Lajmet e fundit nga