web counter
LEXO PA REKLAMA!

SHKARKO APP

Kartolinë e Durrësit 92 vite më parë

11 Nëntor 2017, 18:02, Aktualitet CNA

Gazetari veteran Thanas Mustaqi publikoi këtë kartolinë me pamje nga Durrësi të 89 viteve më parë. Kjo kartolinë është tipike një foto, që flet sa 1 000 fjalë, por ka nevojë edhe për një diciturë.

Në kartolinë duket ndërtesa e Bankës së Durrësit, e quajtur në atë kohë Banka Kombëtare e Shqipërisë Filiali Durës. Më në thellësi të ndërtesës së bankës është kisha e vjetër ortodokse me këmbanore, ku aktualish është ndërtesa e SHIK-ut lokal.

Porti i Durrësit nuk është ndërtuar ende nga kompania italiane Mazzorana, prandaj kemi në kartolinë vetëm një mol prej druri me ndërtesat modeste të doganës dhe të xhandarmërisë në krye të molit. Në sfond majtas në thellësi duket Torra Veneciane me antenat e radiondërlidhjes në tarracë.

Në të djathtë të fotos afër vulës postare duket hangari për avionët hidrovolantë të ndërtuar nga austro-hungarezët gjatë Luftës së Parë Botërore. Pulla postare ka një foto të Ahmet Zogut,  President i Republikës. Në foto Presidenti Zog është me grand-uniformë (uniform parade).

 

Gjergj Thanasi





Lajmet e fundit nga