web counter
LEXO PA REKLAMA!

SHKARKO APP

App Store
Google Play

E fundit!

x

FBI dhe BE në verifikimin e pasurive e bizneseve/ Në listë edhe pronarë të mediave të dyshimta

11 Nëntor 2017, 16:25, Aktualitet CNA

Specialistët e FBI dhe ekspertët e ardhur nga vëndet e BE, Gjermania dhe Italia kanë vendosur të bëjnë pikërisht atë që duhej ta kishin bërë homologët e tyre shqiptarë  verifikimin e pasurisë së politikanëve, të pushtetarëve, prokurorëve e gjykatësve.

Ky pritet të jetë hapi i parë i ekspertëve të huaj, ndërkohë që homologët e tyre  shqiptarë do të jenë në rolin e specialistëve, thjeshtë dhe vetëm për të mbajtur shënimet, raporton Pamfleti.com.

Verifikimi është një procedurë e thjeshtë po të kihet parasysh se kërkon veç krahasimin e shifrat të deklaruara në ILPDK me ato që rezultojnë në të vërtetë dhe burimin e të ardhurave.

Ky proces për të parën herë deklarohet se do të përfshijë edhe pronarët e disa prej mediave që flitet hapur se jetojnë duke pastruar para të pista për llogari të politikanëve që fshihen pas tyre.

Ndërkohë që verifikimi do të jetë për vetë personat, në një fazë të dytë verifikimit do ti nënshtrohen edhe familjarët dhe të afërmit e tyre që rezultojnë me biznese. Madje do të verifikohet burimi i pasurive e bizneseve që disponojnë edhe shokë e miq të afërt të politikanëve, gjyqtarëve, prokurorëve  dhe biznesmenëve të mediave të dyshuara që mbahen me para të pista.

Po ashtu një re në këtë sitë, që pohohet se ka nisur, lidhet me faktin se në të do të kalojnë edhe ishët, domethenë ish president, ish kryeministra, ish ministra e ish politikanë që rezultojnë me biznese të ngritura me pasuri të padeklaruar, ndërkohë që gjatë ushtrimit të detyrave e posteve kanë përvetësuar vetëm pagën zyrtare, ndërkohë që sot rezultojnë bisnesmenë të fuqishëm./CityNews





Lajmet e fundit nga