Prokuroria duhet nxjerrë nga “çadra”

10 Nëntor 2017, 16:44, Aktualitet CNA

Nga Artur AJAZI

Prokuroria në Shqipëri, ka kohë që është kthyer në vegël të politikës, por së fundi ajo ka hyrë edhe në ?çadrën? e saj, duke u vënë nën shërbimin e saj, duke përmbushur çdo dëshirë të saj, që lidhet me luftën e paprinciptë ndaj kundërshtarit politik. Hyrja e Prokurorisë në lojën dhe ?çadrën? e politikës, mbetet natyrisht e rrezikshme për këtë organ drejtësie, dhe njëherësh edhe një precedent i rrezikshëm.

Kjo pasi delegimi i misionit të Prokurorisë në duart e politikës së ?çadrës? në 7 vitet e fundit ka qenë dhe mbetet një prej kapjeve më flagrante të saj. Po kaq e rrezikshme ka qenë dhe mbetet edhe keqpërdorja e Prokurorisë për synime dhe interesa politike dhe personale të ?çadrës?.

Kjo u vërtetua dukshëm në ngjarjet e fundit, dhe është evidente edhe në shumë raste të tjera, kur organi akuzës ka mbyllur dosje, hetime, apo edhe kur kërkon arrestime edhe kur nuk ka prova dhe fakte. Prokuroria ka kohë që e ka hequr ?make-up?in e saj, dhe ka hyrë prej kohësh nën ?sqetullën? e politikës, në ?çadrën? e atyre që i propozuan dhe votuan duke shpresuar madje edhe shtyrje afati dhe mandatim të dytë.

Të përfshirë edhe në çështjen ?Tahiri? në kundërshtim me ligjin dhe pa short, duke u bazuar vetëm mbi besnikërinë politike, ata edhe para komisionit parlamentar, morën atributin e ?çadrës? duke harruar ligjin, pavarësinë, etj. Prokuroria (prokurorët politikë) ka vepruar shpesh vitet e fundit, duke harruar profesionin e tyre, thelbin e misionit të tyre, duke u kthyer në vegël e politikës.

Duke patur në ?çadër? Prokurorinë, dhe natyrisht duke i nxjerrë zbuluar shpesh ushtarët e saj besnikë, politika e zhurmës, ka vazhduar të bëjë hetuesin, prokurorin, gazetarin, duke harruar kompromentimin e saj në afera dhe dosje të vjetra, të cilat një Kryeprokuror i ri duhet ti rihapë, ti rihetojë, dhe ti ridërgojë sërish në gjykatë. Prokuroria duhet të dalë me urgjencë nga ?çadra? edhe për 1001 arsye, pasi duke u kthyer në vegël e politikës, ajo ka delaguar edhe në rrethe ushtarët e saj më besnikë.

Ata që kanë mbyllur dosjet e korrupsionit, ata që kanë zvarritur hetimet e qindra zyrtarëve të akuzuar dhe denoncuar, ata që kanë tjetërsuar gjithçka ligjore, duke mbajtur në poste drejtuese njerëz të akuzuar. Prokuroria e ?çadrës? , është përpjekur dhe po përpiqet të mbyllë deri në grahmën e fundit, dosjet më të bujshme të korrupsionit, të privatizimeve, apo edhe dosjet e tjera, duke mos marrë në konsideratë , prova dhe fakte nga komisionet hetimore.

Prokuroria e ?çadrës? dhe ushtarët e saj besnikë, u ngritën brenda ditës për të arrestuar një deputet, ndërsa kanë vite që hetojnë emra peshqish të mëdhenj e të vegjël, duke ngulmuar në mbylljen e dosjeve të tyre. natyrisht lind pyetja, ku e gjejnë guximin dhe kush janë këto prokurorë që sillen si tregtarë me drejtësinë, me detyrën, me misionin e tyre, përse Prokuroria shfaqet hapur si vegël e politikës, duke treguar hapur kalbëzimin e sistemit, dhe nevojën urgjente të zbatimit të Vettingu-t. Ndoshta ka ardhur koha dhe momenti që të evidentohen dhe të ndahen veçmas se kush janë ushtarët e ?çadrës?, kush janë ata që në gjithë këto vite kanë qenë gati të përdhosin drejtësinë për perfitime personale dhe politike, pasi ora e drejtësisë së vërtetë ka ardhur.

Ajo ç?ka ka deklaruar ambasadori Lu dhe kryeministri Rama, duket çdo ditë më evidente, tek shikon se si edhe në ditët e fundit të një mandati të mbushur vetëm me deklarata mediatike, skandale dhe bllofe politike, ka ende ushtarë të Prokurorisë së ?çadrës? që kanë kurajon të shohin ëndërra me ?përmbysje pushteti?, ?revolucion demokratik? apo edhe me ?kryeministër të ri?, me shpresën se do të gjejnë shpëtim nga ndëshkimi ligjor./ CityNews