E fundit!

19:38 Aktualitet

Pakënaqësi për kandidatët e propozuar?/ Debat mes anëtares së Këshillit Kombëtar dhe Berishës

Mbledhja e Këshillit Kombëtar të PD-së është shoqëruar me ...

Vizioni i Fatos Lubonjës pas skandalit shumëdimensional Tahiri

6 Nëntor 2017, 13:05, Aktualitet CNA

?Tashmë pas skandalit shumëdimensional Tahiri është shumë e lehtë për këdo të kuptojë se çfarë ka ndodhur në Shqipëri, gjatë kohës së qeverisjes Rama. Por është shumë më e vështirë të ndërtohet një projekt i daljes nga kjo situatë?, lexohet në një shkrim-opinion me autor Fatos Lubonjën, publikuar sot në gazetën ?panorama?, të titulluar: ?Çduhet bërë pas skandalit Tahiri?. Në qendër të shkrimit është situata e hamullt që zotëron vendin, situatë e sjellë nga keqqverisja e qeverisë së Rilindjes, e cila ka ngritur një godinë tre katëshe pushteti, në bodrumin e të cilës strehohet krimi i organizuar dhe çorganizuar.

Cili është përkeqësimi dramatik që ka sjellë qeverisja e Rilindjes? Pyet ndër të tjera Lubonjë, që më poshtë përgjigjet:

?Për shkak të vetë prirjes së këtij sistemi, të pakësimit të parave të ligjëshme që ka hedhur në qarkullim emigracioni, si dhe politika nëpërmjet borxheve të jashtëme, ashtu sikurse dhe se në krye të qeverisë ka ardhur një njeri që nuk njeh asnjë skrupull moral për të arritur qëllimet e veta, Rilindja i?a hapi portat bodrumit si asnjëherë më parë.

Kështu forcimi i lidhjes së bodrumit me pushtetin bëri që të vihet në krye të Ministrisë së Brendëshme një bandit i lidhur ngushtë me një bandë të rrezikshme trafikimi droge si Tahiri që ka venë pastaj gjithë strukturat e policinë në shërbim të trafikimit. Kur ke parasysh edhe futjen e një numri kriminelësh në Parlament, si dhe të disa bashkive të vendit, bëhet e qartë se kjo është një strategji kapjeje dhe mbajtjeje pushteti e me gjakftohtësi kriminale??, shkruan Lubonja.

Në vijim ai e quan të tepërt të flaës për pasojat dhe dëmet e pariparueshme që na ka sjellë ky sistem pushteti, ndërkohë që thekson:

?Sot po flitet për fundin e pashmanmgshëm të kësaj mënyre qeverisjeje. Opozita që dukej e destinuar t?i bënte thjeshtë fasadën demokratike kësaj mafieje në pushtet, u bë sërish aktive.

Por loja nuk është mbyllur dhe këtu madje, para nesh, ngrihet një çështje e madhe. Edhe sikur të mungojë denoncimi i këtij realiteti që çdokush e ka të qartë për të hequr qafe këtë qeveri, edhe sikur të mjaftojë sqarimi i të huajve për ta kryer këtë , a mjafton kaq për ta luftuar të keqen që na ka pllakosur?

Sipas meje jo. Gjykoj se problem i problemeve është si të ndërtohet një alternativë e besueshme që duhet të zëvendësojë këtë qeveri, që sipas meje do të thotë ndërtimi i projektit se si do të shkatërrohet grehina tre katëshe e pushtetit që përshkrova, në mënyrë që secili prej kateve të saj të funksionojë i ndarë si pushtet nga njeri tjetri në vendin që i takon në një demokraci??, shkruan Lubonja duke rreshtuar më pas pesë pika të një ashtuquajturi prej tij program, që mund të nxisë daljen nga situate.

?E para gjë që duhet programuar është shkatërrimi iashensorit që lidh katet e politikës me katet e poshtme të ndërtesës kriminale. Për këtë duhet ndryshimi i njerëzve që na udhëheqin politikën dhe ardhja e atyre që kanë vullnetin politik për ti ndërprerë këto lidhje?Po të izolohen njerëzit e bodrumit nga politika, çka nënkupton mbrojtjen që ajo u ka dhenë, mundësinë për të investuar paratë e pista, lidhjet me policinë etj., është shumë më lehtë që ata të çohen atje ku e kanë vendin: në burg. Transformi i ekonomisë është sfida më e vështirë, duke patur parasysh ndërthurjen e narkoekonomisë së bodrumit me ekonominë e korrupsionit të oligarkëve. Kjo sfidë ka dy plane, atë të ndarjes së ekonomive kriminale nga ato të shëndosha dhe programimin e transformimit të ekonomisë korruptive e monopoliste të oligarkëve?

Transformimi i ekonomisë vështirë se mund të kryehet pa transfromimin e mediave që funksionojnë për ti shërbyer oligarkëve dhe shtetit mafioz të kapur prej tyre, në media që i shërbejnë publikut?

Ka ardhur koha, më në fund, që zyrat e drejtësisë të dalin në një ndërtesë më vete pa lidhje me paradhomat e politikës. Kuptohet që një drejtësi e tillë nuk mund të ndërtohet pa mbështetje dhe kontrollin e mediave vërtetë të lira e në shërbim të publikut, por edhe pa mbështetjen e kontrollin e një shoqërie civile të pakapur nga pushteti, sikurse është kjo që kemi?, vlerëson Fatos Lubonja në shkrim-opionionin e sotëm.