web counter
LEXO PA REKLAMA!

SHKARKO APP

App Store
Google Play

Ministria e Peleshit do vaksinojë dhelprat e tërbuara

6 Nëntor 2017, 11:31, Aktualitet CNA

Për të tetën herë rradhazi, siç dhe është përcaktuar në planin disa vjeçar të Ministrisë së Bujqësisë dhe Zhvillimit Rural, Projekti PAZA II do të nisë vaksinimin e dhelprave kundër sëmundjes së tërbimit.

Projekti PAZA II i mbështetur nga Bashkimi Evropian do të zbatojë një procedurë moderne që garanton vaksinimin e sigurtë dhe në një normë të lartë te dhelprat e kuqe, që janë dhe burimi kryesor i shpërndarjes së tërbimit.

Mënyra e vaksinimit është e njejtë me atë që është përdorur që prej pranverës së 2014, ku do të jenë katër avionë të vegjël, për të shpërndarë vaksinat e prodhuara posaçërisht për dhelprën e kuqe.

Shpërndarja e vaksinës do të nisë të martën, datë 7 Nëntor dhe do të kryhet nga ajri, ku avionët e vegjël do të hedhin në mënyrë të kontrolluar një lloj vaksine të lëngët që është e futur në ushqim të posaçëm për dhelprat.

Vaksinat karrem do të shpërndahen përgjatë një periudhe 12 ditore në të gjithë territorin e vendit, përjashtuar qendrat urbane dhe sipërfaqet ujore.

Ministria e Bujqësisë njofton të gjithë personat që do hasen me këtë lloj vaksine, të sigurojnë paprekshmërinë e saj.

Ky lloj vaksinimi është kryer dhe kryhet me këtë mënyrë në të gjitha vendet e Ballkanit dhe tashmë me mbështetjen e Bashkimit Evropian, po kryhet edhe në Shqipëri. Pas disa vitesh vaksinimi të rregullt sëmundja është zhdukur në Kroaci, Serbi, vende të rajonit dhe rezultatet tregojnë për ulje të rasteve në thuajse zero dhe në Maqedoni. /CityNews





Lajmet e fundit nga