Strategjia e socialistëve për të çmontuar nga administrata të punësuarit e LSI-së

5 Nëntor 2017, 10:25, Aktualitet CNA

Midis disa varianteve të shumëdiskutuara, lidhur me çmontimin e kontigjenteve të zyrtarëve të LSI-së nga administrate publike, maxhoranca qeverisëse ka përzgjedhur atë të futjes në lojë të Komisionerit të Shërbimit Civil.

Sipas gazeta ?Sot? është përzgjedhur kjo strategji pasi pjesa sunduese e këtyre të punësuarve janë përfshirë si nomeklaturë e Shërbimit Civil në kundërshtim me ligjet, urdhërat dhe udhëzimet në fuqi. Përveç kësaj një pjesë dërmuese e lësëistëve janë të përfshirë në dallavere, afera korruptive dhe praktika që vijnë në kundërshtim me ligjet.

Sipas informacioneve të ofruara nga gazeta ?Sot?, tashmë janë miratuar dhe janë gati aktet e kontrollit për 209 institucione, ndërkohë që për një pjesë jo të vogël të institucioneve procesi është mbyllur. Nga të dhenat rezulton se një pjesë e zyrtarëve të LSI-së janë punësuar në mënyre të jashtëligjshme, duke u përfituar madje edhe statusin e Shërbimin Civil jashtë kritereve, që i garanton paprekshmërinë.

Për të gjithë këto i është relatuar Komisionerit të Shërbimit Civil që të marrë masat e nevojëshme, ndërkohë që për disa institucione të tjera pritet, që në bazë të gjetjeve që ka bërë Komisioneri i Shërbimit Civili, t?u dërgohet shkresa në ditët në vijim.

Verifikimet do të vijojnë edhe në ditët vijuese, por ajo që bie në sy është se shkeljet e konstatuara nëpër institucionet e drejtuara nga përfaqësuesit e LSI-së janë nga më të ndryshmet.

Problematike kanë rezultuar edhe punësimet në disa bashki që drejtohen nga LSI, shkruan ?Sot? duke përmendur si të tilla bashkitë Skrapar, Kuçovë, Bulqizë e Berat, ku janë gjetur shkelje të ndryshme duke filluar nga futja në punë e personave pa arsimin përkatës, apo edhe që nuk janë raportuar pranë DAP, që janë bërë pjesë e Shërbimit Civil. Një tjetër gjetje e jashtëligjëshme është se shumë persona që janë shkarkuar nga puna nuk janë hequr ende nga sistemi, duke rezultuar ende në punë.

Por fenomeni më i përhapur janë emërimet e përkohshme, për më pak se 1 vit, sidomos gjatë periudhës zgjedhore./CityNews