E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Nga Kastriot Dervishi / Byroja e gjelave, bibave dhe derrave

5 Nëntor 2017, 08:43, Aktualitet CNA

Historiani Kastriot Dervishi, vijon me publikimin e dokumenteve të kohës së komunizmit dhe bërjen publike të realitetit të asokohe.

Me anë të një postimi në rrjetet sociale, Dervishi ka publikuar një dokument ku shpaloset debati mes Kadri Hazbiut, Mehmet Shehut dhe Themie Thomait, mbi tufëzimin e gjësë së gjallë.

Sipas Dervishit, “Në vitin 1980, kur diskutohej shumë për fazën e re të tufëzimit të bagëtive dhe zvogëlimin e oborrit kooperativist (pjesa e tokës anash shtëpive), Byroja Politike e Komitetit Qendror të Partisë së Punës diskutonte se si t?ia merrte shpirtin popullit me lloj-lloj eksperimentesh që synonin të shpëtonin dështimin e pashembullt të kooperativave bujqësore. I merrte shpirtin fshatarit, e rrjedhimisht edhe qytetarit. Në studimin e kryesisë së Këshillit të Ministrave të datës 8.3.1980, oborri kooperativist, paraqitej kështu:
-tokë arë, 18.777 hektarë
-gjedhë, 238 mijë krerë (prej të cilëve 139 mijë krerë lopë)
-bagëti të imëta, 791 mijë
-njëthundrakë, 70 mijë
(Të gjitha i gëlltiti procesi i tufëzimit)”.

Në vijim historiani shprehet se “Ky raport, u diskutua gjerësisht në mbledhjen e gjatë Byrosë Politike të datës 22.4.1980. Më poshtë, një ekstrakt i kësaj mbledhjeje për të kuptuar se me çfarë merrej kupola e lartë komuniste. Përveç anëtarëve të Byrosë, merr pjesë në mbledhje edhe ministrja e Bujqësisë.”

Kastriot Dervishi ka zbardhur debatin mes 3 figurave të larta të asaj kohe të cilin e keni më poshtë:

Kadri Hazbiu: …Tufëzimi është një problem që do të bëhet gradualisht si rrjedhim i punës bindëse që do të bëjmë me ta. Për sa i përket thundrakëve unë jam për atë që familjet të kenë të drejtë të mbajnë njëthundrakë. Sigurisht dhe këtë do ta nxisim dhe ata i nxit dhe interesi i tyre. Problemi i njëthundrakëve është me rëndësi shtetërore, ndërsa për problemin e shpendëve dhe derrave, unë mendoj se duhet të shikohet më mirë, për t?i kufizuar ato, sidomos shpendët.

Mehmet Shehu: Për bibat dhe gjelat e detit kemi marrë vendim.

Kadri Hazbiu: Atë vendim e kemi marrë, po nuk e di sa po zbatohet ky kufizim, sepse në shumë rajone të zonës fushore po mbajnë nga 15-20 gjela deti e pata, përveç pulave…Unë nuk e di se sa derra u lejojmë ne fshatarëve të mbajnë, po mendoj se ky është një problem i madh dhe ndoshta ne duhet t?i vëmë një kufi. Për mbajtjen e bletëve është tjetër punë, kurse duhet të shikojmë për derrat dhe shpendët (kryesisht për patat, pulat dhe gjelat e detit).

Themie Thomai: Çdo familje kooperativiste ka të drejtë të mbajë nga një.

Kadri Hazbiu: Po gicat, deri në ç?kohë duhet t?i mbajë?

Themie Thomai: Nuk lejohet të mbajë gica.

Kadri Hazbiu: Po këtu është puna. /CityNews