web counter
LEXO PA REKLAMA!

SHKARKO APP

App Store
Google Play

U dënuan me 746 vjet burg/ Qeveria Zaev gati të lejojë hetim ndërkombëtar për grupin Kumanova

4 Nëntor 2017, 20:30, Aktualitet CNA

Për rastin e Kumanovës mund të ketë një hetim ndërkombëtar. Mediat në Maqedoni citojnë ministrin e Drejtësisë, Bilent Saliji, të pohojë se ekzekutivi I kryesuar nga Zoran Zaev, është shprehur i gatshëm të angazhojë ekspertë të huaj me qëllim zbardhjen e plotë të çështjes.

Në kuadër të kompetencave të veta, Ministria e Drejtësisë, tha Saliji, do ta ndihmojë në mënyrë aktive këtë proces. Sipas disa juristëve, vendimi gjyqësor ka shkelje të rënda procedurale, të cilat janë konstatuar nga pala mbrojtëse. Në hetim, nga sa thonë ata, nuk janë përfshirë të gjithë, sidomos funksionarë të qeverisë së kaluar, të cilët dyshohet të kenë pasur lidhje me të dënuarit.

Ekspertët në fjalë ngrenë dyshimin se gjykata e mori vendimin duke u mbështetur në faktet e selektuara që ka dorëzuar pranë saj organi i akuzës e thonë se ka dhe prova të tjera që nuk janë paraqitur asnjëherë. Ambasadori i Francës në Maqedoni, Kristian Timonier u shpreh se hetimi i ndërkombëtarëve mbi rastet e dyshimta është i mundur, por, sipas tij, fillimisht drejtësia duhet të kërkohet në institucionet vendase.

Kryeministri i Kosovës, Ramush Haradinaj, bëri thirrje të premten për një hetim të tillë pasi u mësua se 37 të akuzuarve për rastin e ?Lagjes së trimave? iu dhanë 746 vjet burg, 8 prej dënimeve ishin me burgim të përjetshëm, shkruan tch.

Vetëm 4 nga të akuzuarit u lanë të lirë. Vendimi i gjykatës në Shkup ngjalli protesta në Prishtinë, Pejë e Gjilan. Tubuesit duken të bindur se të paditurit janë viktima të një komploti të ish-qeverisë maqedonase. / Bota sot/





Lajmet e fundit nga