web counter
LEXO PA REKLAMA!

SHKARKO APP

App Store
Google Play

E fundit!

x

Rivendosja e vizave për shqiptarët / Holanda zbarkon me policë e prokurorë në Tiranë

5 Nëntor 2017, 08:56, Aktualitet CNA

Shqetësimi i ngritur pak më parë nga autoritetet e Holandës, është konkretizuar me një vizitë zyrtare të një niveli të lartë në Tiranë.

Ambasada e Mbretërisë së Bashkuar në Tiranë me anë të një njoftimi për media shprehet se ?një delegacion i lartë, ndryshe i njohur si Trekëndëshi i Roterdamit për Rendin Publik dhe Sigurinë, i kryesuar nga kryetari i bashkisë së Roterdamit, Ahmed Aboutaleb, do të vijë për një vizitë zyrtare në Shqipëri, nga data 2 deri më 6 nëntor 2017?.

Krahas kreut të Bashkisë së Roterdamit, në delegacionin janë edhe ?Drejtori i Policisë së Roterdamit, Frank Paauw, kryeprokurori i Roterdamit Marc van Nimwegen, drejtori i Aviacionit në Xhandarmërinë Mbretërore, në Ministrinë e Mbrojtjes Brig. Gen, Pieter Simpelaar do të jenë gjithashtu pjesëtarë të këtij delegacioni?.

Kujtojmë se pak kohë më parë mediat ndërkombëtare raportuan se Policia dhe Prokuroria e Holandës, kishin sugjeruar shtetin që të kërkonte rivendosjen e regjimit të vizave për shtetasit shqiptarë. Shkak për këtë ishte shtimi i kriminalitetit me protagonistë shqiptarët.

Në njoftimin e ambasadës thuhet se në fokus të kësaj vizite është frenimi i emigracionit të paligjshëm, trafikut të qënieve njerëzore dhe krimit të organizuar.

Një ditë më parë ky delegacion ka kryer një takim në Akademinë e Policisë.

Ambasada Holandeze shprehet se qëllimi i kësaj vizite është që të kuptohet situata në Shqipëri si dhe faktorët që shtyjnë qytetarët shqiptarë drejt rrugëve të rrezikshme të emigracionit të paligjshëm. Së bashku me Organizatën Ndërkombëtare për Migracionin (IOM), Holanda dhe Shqipëria po organizojnë një fushatë informuese në lidhje me këtë çështje. /CityNews





Lajmet e fundit nga