E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Rama duhet rrëzuar/Pse Basha nuk është zgjidhja?

5 Nëntor 2017, 10:14, Aktualitet CNA

Shqipëria po kalon një situatë të tensionuar politike, që mund të quhet një shans i madh për kryetarin e PD Lulzim Basha.

Një shans i fortë për Bashën që vjen pas një katastrofe elektorale prej përplasjeve dhe përçarjes së thellë të PD, çështja Tahiri ishte shpëtimi i Lulzim Bashës nga pusi llumi politik ku ishte zhytur. Dosja Tahiri, përgjimet dhe ngjarjet e fundit po i japin një mundësi të fortë Lulzim Bashës të bashkojë dhe ringrejë PD për ta hedhur në një sulm frontal kundër qeverisë. Në fakt kjo nuk po ndodh, Lulzim Basha po kthehet në një papagall që nuk bën asgjë tjetër, por veçse përsërit të njëjtat gjëra që shqiptarët i kanë dëgjuar me qindra herë. Edhe çështja Tahiri duket se po harrohet megjithëse plasin çdo ditë ngjarje, si ajo e fundit në Elbasan.

Por në gjithë këtë situatë përgjimesh, drogë-akuzash, skandalesh etj., Basha duhet të kishte përfituar shumë politikisht dhe të ishte shpresa e vetme për shqiptarët përballë Edi Ramës por në fakt nuk duket të jetë kështu. Edi Rama me brekë nëpër këmbë po mbahet në pushtet pas një fitoreje shembullore në 25 qershor, akuzat dhe situatat e fundit e kanë tronditur deri në rrëzim qeverinë, të cilën mesa duket e mban në pushtet vetë Lulzim Basha dhe paaftësia e tij epike në politikë.

Me një forcë politike që fiton zgjedhjet e vetme dhe me përçarjen e PD, Lulzim Basha s?do kishte kurrë një situatë të tillë më të favorshme politike, pasi PS sot duket në vështirësi më shumë se kurrë. Këtë e tregon edhe Edi Rama me sulmet dhe lëvizjet e tij që sjellin tërheqje të vëmendjes nga problematika kryesore. Luli ka vetëm një aftësi, të humbë çdo shans dhe të keqpërdoret politikisht, zogu i erdhi në dorë por ai nuk di ta mbajë.

Këtë situatë politike ai po e keqpërdor për emrin e tij për të mbajtur vulën e kreut të PD edhe pse kjo e fundit mund të rrudhët edhe më tej. Edi Rama nesër të ketë zgjedhje sërisht e mund Lulzim Bashën, jo për paratë e drogës, as për blerjen e votës, por sepse Lulzim Basha nuk bind, ai është një politikan i pabesueshëm dhe me profil shumë të ulët në opinion publik. Edhe më të ulet se Rama që me gjëmat, bëmat dhe zullumet e tij që tashmë duhet të ishte i larguar nga qeveria por e mban me këmbë mungesa e një lideri tjetër të besueshëm që shqiptarët ta ndjekin nga pas.

Pra sot kemi një kryeministër të pabesueshëm nga shqiptarët edhe pse u votua 4 muaj më parë në shumicë, sot është në kuotat minimale. Ai përballë ka një kryetar opozite, që më shumë se ringritjen e partisë të tij dhe rrëzimin e kryeministrit, kërkoi bashkimin me një forcë të majtë të korruptuar dhe akuzuar po aq sa Rama. Lulzim Basha është apatik, ka një paaftësi epike dhe prandaj Edi Rama fërkon duart, për sa kohë të ketë Lulin në krye të PD ai është njësoj si të kishte emëruar Taulant Ballën në krye të opozitës, veprim ky që si duket pasi Luli i shërben edhe më mirë.

Kryeministër që duhet të rëzohet. Po kush ta rëzojë Luli? Lulin nuk e ndjek askush nga pas, ai mendon se duhet të rrijë më çdo kusht në krye të PD sa ti vijë radha pasi njerzit do lodhen me Edi Ramën dhe do e shohin si shpresë, në fakt ka shumë gjasa që Rama të ikë dhe pasardhësi i tij ta mundë Lulin edhe më keq.

Rama duhet rrëzuar, por Luli se rrëzon dot. Ramën nuk e duan, por askush nuk beson dhe nuk do as Lulin, ndoshta jemi përballë një fakti që estabilishmenti duhet të marrë goditje. Kjo ndoshta duhet të vijë nga një lëvizje qytetare, me eksponentë të besueshëm në opinion, pasi me kastën aktuale politike midis skandaleve të Ramës dhe Lulit kryeministër, shqiptarët preferojnë të ngelen siç janë. Jo sepse duan Ramën, por sepse nuk ja kanë ngenë të provojnë Lulin, ai është thjesht manekini i Ramës në krye të PD. Përsa kohë që një lëvizje qytetare anti-estabilishment mungon Edi Rama, do të jetë Kryeministër dhe Luli do të ruajë oborrin opozitar. /CityNews