web counter
LEXO PA REKLAMA!

SHKARKO APP

App Store
Google Play

Të marrë fund pandëshkueshmëria e politikanëve/ Drejtësi për çështjen Tahiri

25 Tetor 2017, 19:48, Aktualitet CNA

Në një postim në rrjetet sociale, kryetari i Partisë Demokratike Lulzim Basha, ka përshëndetur deklaratën e  Zëvendës Ndihmës Sekretarit Hoyt Brian Yee, ku theksohet se ligji është i barabartë për të gjithë dhe në këtë pikë veprimet e mazhorancës bien në kundërshtim me Yee.

Duke inkurajuar prokurorët, gjyqtarët dhe gjithë punonjësit e drejtësisë ai ka bërë thirrjen që të vazhdojë puna për rrëzimin e krimit nga qeverisja.

?Deklarata e qeverisë amerikane është e qartë: askush nuk është mbi ligjin, askush nuk duhet të gëzojë imunitet nga ligji, prokurorët dhe gjyqtarët duhet t?i shkojnë deri në fund çështjes, është përgjegjësi e qeverisë të tregojë me vepra se është kundër krimit dhe korrupsionit.

Duke përshëndetur deklaratën e Zëvendës Ndihmës Sekretarit Hoyt Brian Yee, i inkurajoj fuqimisht prokurorët, gjyqtarët dhe të gjithë punonjësit e drejtësisë që të mos ndikohen e mos tremben nga asnjë presion politik dhe të mos ndalen as të shkurajohen por të punojnë me kurajo profesionale dhe përkushtim atdhetar deri sa të nxjerrin të vërtetën dhe të bëjnë drejtësi në çështjen Tahiri.

Është momenti që Rama dhe shumica në pushtet të ndalin sulmet dhe kërcënimet ndaj prokurorëve, gjyqtarëve, dhe dëshmitarëve, të cilat kanë dëmtuar bërjen e drejtësisë në rastin Tahiri, dhe besueshmërinë e popullit se politikanët nuk janë mbi ligjin. Pandëshkueshmëria e politikanëve duhet të marrë fund.

Propagandën dhe llomotitjet në hava për drejtësinë nuk i beson më askush. Sot qytetarët presin të shohin me vepra se politikanët përgjigjen para ligjit dhe dënohen kur shkelin ligjin?. /CityNews





Lajmet e fundit nga