E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Artan Hoxha paralajmëron Ramën / Edhe sikur vetëm një nga ne të mbetet videoja do të publikohet

25 Tetor 2017, 19:02, Aktualitet CNA

Gazetari i kronikës Artan Hoxha, ka reaguar pas fyerjeve të kryeministrit Edi Rama, ndaj gazetarëve, sulm që ai bëri pas përfundimit të seancës parlamentare.

Me anë të një postimi në rrjetet sociale, Hoxha shprehet se Edi Rama, sot fitoi një tjetër betejë, pasi largoi vëmendjen nga çështja e ditës, që ishte moslejimi i arrestimit të Tahirit.

“Edi Rama, per fat te keq e fitoi dhe nje beteje tjeter, duke e larguar vemendjen e medias dhe opinionit publik nga ceshtja themelore drejt nje konflikti per motive “te dobeta” me reporteret e politikes. Dhe te gjithe bejne si te indinjuar sikur Rama u soll per here te pare ne kete menyre me gazetaret, jo sikur sillet perdite si pronar i te gjitha mediave, drejtor i te gjitha mediave, kryeredaktor i te gjitha mediave…”, – shkruan Hoxha.

Në vijim të reagimit të tij, Hoxha shprehet se “Halli i vertete i kryeministrit eshte tjeter kund, te videot e rregjistruara me ze dhe figure. Aty s’te ndihmojme dot o pronar-Drejtor-kryeredaktor i te gjitha mediave ne vend.”

Ai i drejtohet Ramës të bëjë qejf sa të ketë kryeprokuror Adriatik Llallën dhe për sa kohë prokurorët e tredhur nuk guxojnë të hetojnë kryeministrin.

“Bej qejf sa ne krye te prokurorise te kesh Tik Llallen dhe Hajdarmaten qe e pergezon cdo nate per hetime te suksesshme Doktori, qe fshiu bythen me urdherarrestet e prokurorise me 21 janar. Per sa kohe prokuroret tane te tredhur nuk do guxojne te hetojne Kryeministrin Rama, presidentin Meta, ish-president dhe ish-kryeministrin Berisha, ne kete vend cudia me e madhe do te zgjase vetem tre dite dhe pastaj do harrohet.
Urime per fitoren e sotme zoti kryeminister, ….”, – shtoi Hoxha.

Në përmbyllje të reagimit, gazetari ka paralajmëruar kryeministrin Rama, teksa i thotë: “por mos harro, qofte edhe njeri nga ne te mbetet ne kembe gjithnje do gjendet nje media brenda apo jashte vendit ku do shfaqet ajo video me ze dhe figure…” /CityNews