web counter
LEXO PA REKLAMA!

SHKARKO APP

App Store
Google Play

E fundit!

x

100 prova të reja/ A do ta shesë Ilir Metën pronari i DIA-s, Kastriot Ismailaj

24 Tetor 2017, 18:28, Aktualitet CNA

Ditën e sotme ishte planifikuar mbajtja e seancës së 45 gjyqësore, ku mbrojtja e të akuzuarit Kastriot Ismailaj do të paraqiste versionin e vet për ti hapur rrugë marrjes së vendimit nga trupi gjykues për kërkesën e Prokurorisë që ka kërkuar dënimin e Ismailajt me 15 vite burg.

Mirëpo ka ndodhur që i akuzuari Ismailaj, po sot, i ka paraqitur një kërkesë Gjykatës të cilës i kërkon rihapjen e procesit dhe jo shpalljen e vendimit e mbylljen e tij.

Për të përligjur ligjërisht këtë kërkesë befasuese Ismailaj ka deklaruar se disponon 100 prova të reja që nuk janë shqyrtuar fare deri tani nga hetimi gjyqësor i çështjes.

?Kam gati mbi 100 prova të reja të cilat nuk u shqyrtuan dhe dua të merren në konsidertatë?, ka komunikuar Ismailaj, i cili akuzohet për konsumimin e tre veprave penale: mashtrim me pasoja të rënda me borxhet e CEZ, rreth 5 milionë euro, pastrim parash dhe falsifikim dokumentesh.

Fjala është për një aferë të bërë prej tij me kompaninë CEZ-DIA, ku i përfshirë jo drejtëpërdrejt, përflitet të jetë edhe presidenti Ilir Meta.

Madje pasjen dorë të Metës në këtë aferë e konfirmon edhe ekzistenca e një përgjimi bisedor midis Ismailajt dhe Metës. I denoncuar nga media.

Sipas atij përgjimi të lejuar nga Gjykata, del që Ilir Meta i ka kërkuar Kastriot Ismailajt 200 mijë euro. Fakt ky që mediatikisht është përmendur por që në seancat gjyqësore ka mbetur i fshehur, kurse nuk dihet nëse është i përfshirë në 100 provat që ka gati Kastriot Ismailaj, i cili deri më tani duket se e ka mbrojtur Ilir Metën, por që nuk dihet nëse do të vijoj ta bëjë ketë gjë edhe më pas.

Pra, ajo që mbetet për tu parë në këtë kthesë të re të procesit gjyqësor me 100 faktet e reja është: A do ta shesë këtë herë Kastriot Ismailaj i DIA-s Ilir Metën?/CityNews





Lajmet e fundit nga