web counter
LEXO PA REKLAMA!

SHKARKO APP

App Store
Google Play

E fundit!

x

Banka Botërore shifra alarmante për varfërinë në Shqipëri

24 Tetor 2017, 17:36, Aktualitet CNA

Sipas statistikave të fundit të bankës Botërore, Shqipëria renditet në vendin e fundit në rajon për sa i përket nivelit të varfërisë.

Në raportin e BB-së, rreth 2 mijë e 300 shqiptarë jetojnë me 1.9 dollarë në ditë, ndërsa mbi 181 mijë të tjerë që përbëjnë 6.3 për qind të popullsisë jetojnë me 5 dollarë në ditë.

Nisur nga ky raport Shqipëria renditet, pas Serbisë, Maqedonisë, Bosnjës dhe Kosovës, për sa i përket varfërisë në vend.

Gjithashtu BB ngre dhe një tjetër shqetësim të madh, ku numri i personave në varfëri ekstreme mbetet ende shumë i lartë, madje ka tendenca rritjeje gjatë viteve të fundit.

Më tej në raportin e BB-së, thuhet se Shqipëria ka numër më të lartë personash që jetojnë me 5 dollarë në ditë edhe se Serbia, Maqedonia e Bosnja. Madje Kosova paraqitet më mirë se Shqipëria pasi  përqindja e popullsisë që jeton në varfëri ekstreme është më e ulët se në vendin tonë,  vetëm 0.2% të totalit të popullsisë.

Por gjithashtu banka Botërore  hedh poshtë dhe shifrat për rritjen ekonomike të publikuara nga qeveria shqiptare. Sipas raportit të BB-së, rritja  ekonomike e Shqipërisë u forcua në 3.4% në 2016 dhe parashikohet të jetë mesatarisht 3.5% gjatë vitit 2017-19.





Lajmet e fundit nga