web counter
LEXO PA REKLAMA!

SHKARKO APP

App Store
Google Play

E fundit!

x

Skandali i LSI/ Qindra persona të punësuar në mënyrë të fshehtë

20 Tetor 2017, 12:50, Aktualitet CNA

Mazhoranca qeverisëse ka zbuluar të tjera skandale të Lëvizjes Socialiste për Integrim në administratën publike. Prej disa muajsh në të gjithë vendin ka nisur procesi i ristrukturimit të administratës, por mjaft zyrtarë dhe nëpunës të LSI qëndrojnë ende në detyrë duke vijuar normalisht punën.

Kjo situatë ka shqetësuar socialistët, teksa ditët e fundit janë zhvilluar një sërë mbledhjesh ku fokus i diskutimit ka qenë koordinimi i punës dhe marrja e masave se si do të procedohet për largimin e gjithë militantëve të LSI nga administrata publike.

Në sajë të gjetjeve që ka bërë qeveria së bashku me grupin e punës që po merret me reformën në administratë, rezulton se Lëvizja Socialiste për Integrim ndryshe nga sa pretendohej, ka pasur shumë punonjës të infiltruar dhe të punësuar në zyrat e shtetit. Po kush janë këta qindra persona të punësuara në mënyrë të fshehtë? Gazeta Sot shkruan se gjatë mbledhjeve të zhvilluar në rrethe mes deputetëve dhe bazës socialiste, është diskutuar skandali i punësimeve që ka bërë LSI ku rezulton se shumë punonjës u punësuan pa kriter dhe punonin në një farë mënyre në të zezë.

Pra punësimet ishin bërë pa dijeninë e PS, e cila asokohe ishte aleatë me LSI në qeveri. Një tjetër fakt interesant është se ndonëse nuk shfaqeshin ata ishin të infiltruar nga radhët e kësaj partie, ç?ka ka irrituar tej mase socialistë të cilët kërkojnë më çdo lloj forme shkarkimin e tyre nga puna.

Për sa i takon punësimeve të LSI pa kriter, ku shumica e nëpunësve të administratës nuk kishin formimin e duhur profesional, pak ditë më parë u denoncuan në Kuvend edhe nga vetë kryeministri Edi Rama.





Lajmet e fundit nga