E fundit!

14:27 Politikë

Rama: Nëse këtu do të kishte lavatriçe parash të pista, nuk do të mbyllnim kapituj me BE-në

Në aktivitetin e programit “Dyfisho sipërmarrjen tënde”, k...

Tahiri akuza Veliajt dhe Xhafajt?!

17 Tetor 2017, 15:43, Aktualitet CNA

Ish-ministri i Brendshëm Saimir Tahir, dikur një nga ministrat më të dashur të kryeministrit Edi Rama, ka sulmuar në mënyrë indirekte edhe kolegët e tij brenda Partisë, përkatësisht kryebashkiakun Erion Veliaj dhe ministrin aktual të Brendshëm, Fatmir Xhafaj.

Tahiri u shpreh në fjalën e tij se nuk priste mbështetje nga partia, deputet apo kryeministri, ndërsa shtoi se ka persona që i ka patur përkrah dhe sot ka një gëzim. Nëse do të hedhim një vështrim në marrëdhëniet e Tahirit në PS, më të acaruarat i ka patur me ministrin Xhafaj, i cili jo rrallë herë e ka sulmuar Tahirin për kohën ku ishte në krye të dikasterit që sot ai drejton.

Por në anën tjetër është edhe kryebashkiaku Veliaj, i cili ka një “luftë” apo një konkurrencë të fshehtë për kreun e PS-së, pasi Veliaj njihet si një nga kandidatët më potencial për këtë post.

Pjesë nga deklarata e Tahirit:

Sot më shumë se kurrë secili që më njeh mua personalisht ose jo, përfshirë familjen e miqtë, është i shtangur me lajmet që bëhen publike dhe sidomos përfshirja e emrit tim.

Kundërshtarët e mi si politikë dhe jo vetëm, sot nuk do ti shaj. Pallavrat e dy kriminelëve që flasin për atë se kush ka më shumë njohje.

Unë besoj tek e vërteta sado e madh të jetë gënjeshtra.

Sot është një ditë jo e lehtë për mua, për veten, familjen e mbi tim bir mbi të gjitha. Është një ditë jo e lehtë edhe për kolegët e mi në parlament.

Dy kriminelë, që janë kushërinj të mi të 10 janë arrestuar dhe kanë përmendur edhe emrin tim. Nuk do doja të isha kurrë sot në këtë pozitë. Kërkoj menjëherë nga prokuroria pa përfituar nga asnjë lloj imuniteti, të hetohet e verifikohet gjithçka.

Unë ndjej përgjegjësi morale edhe për disa kushërinj të gradës së 10 që 4 vite më parë kam bërë gabimin e madh, u kam shitur makinën time personale.

Nuk kam pasur dhe skam asnjë raport dhe nuk kam asnjë përgjegjësi më shumë e dënoj çdo lloj veprimtari kriminale edhe të këtyre të kushërinjve të gradës së 10 që nuk kanë hezituar të përmendin emrin tim.

Unë nuk kërkoj nga askush të më mbrojë, as nga kolegët e mi, as në parlament as në qeveri e as nga kryeministri.

Unë do të pres deri në fund çdo verifikim dhe hetim. Nuk do të rri duarkryq, por do të punoj për të vërtetën. /CityNews