web counter
LEXO PA REKLAMA!

SHKARKO APP

App Store
Google Play

Ish-ministri i Brendshëm: Kodheli ktheu Forcat Speciale, në pastrues rrugësh

16 Tetor 2017, 20:02, Aktualitet CNA

Ish-ministri i Brendshëm, koloneli Dritan Demiraj, teksa ka përkujtuar 19 vjetorin e Forcave Speciale të Ushtrisë Shqiptare, ka sulmuar ashpër ish-ministren e Mbrojtjes Mimi Kodheli.

Me anë të një postimi në rrjetet sociale, Demiraj shprehet se elita dhe krenaria e Ushtrisë, Forcat Speciale, pas vitit 2013 janë kthyer nga Kodheli dhe Bazo, në pastrues të rrugëve, duke u hequr nga misionet luftarake dhe duke ‘përzënë’ jashtë vendit.

“Nga vitit 2009 deri ne vitin 2013, kjo ishte njesia me e vleresuar ne historine e ushtrise shqiptare, nga qeveria shqiptare, lidershipi amerikan, NATO dhe ishte kryefjala e cdo vleresimi qe i behej Shqiperise nga te huajt.
Kjo u arrit pas nje procesi te thelle reformash ne drejtim te modernizimit, strukturimit, pajisjes, stervitjeve reale dhe ekstreme, te cilat u finalizuan ne misionet me te sukseshme qe ushtria shqiptare kishte bere pas vitit 1945.
Pas vitit 2013, lidershipi i deshtuar Kodhelit dhe Bazos, e kthyen kete njesi ne njesi speciale per pastrimin e rrugeve te vendit, i hoqen nga misionet luftarake dhe nuk investuan asnje projekt, duke bere qe shumica e efektiveve te saj te largohen nga ushtria jashte shtetit”, – shkruan Demiraj.

Në përmbyllje të reagimit të tij, Demiraj është shprehur se shpreson që ministrja e re të bëjë diçka për këtë njësi ushtarake, e cila ësthë krenaria e vendit. /CityNews





Lajmet e fundit nga