E fundit!

15:27 Aktualitet

“Në kartelet e Ekuadorit ka edhe shqiptarë”/ Artan Hoxha zbulon lidhjet e fshehta të kokainës

Gazetari Artan Hoxha ndau sot detaje të shumta mbi të asht...

FOTOT / I kujt është Durim Keçi, i Ramës apo Bashës?

16 Tetor 2017, 18:19, Aktualitet CNA

Gjatë emisionit të së enjtes në studion e ‘Opinionit’, Lulzim Basha, denoncoi me të madhe Partinë Socialiste, për lidhje me kriminelë teksa publikoi një foto të deputetit Blendi klosi përkrah Durim Keçit, të arrestuarit për llogari të Drejtësisë italiane, dhe Vangjush Dakos, kryetar i Bashkisë së Durrësit.

Kjo foto mori dhenë dhe u shpërnda në të gjitha mediat, por një ditë më vonë, erdhi edhe reagimi nga mediat pranë qeverisë, që nxorën një tjetër foto me protagonist Durim Keçin, por këtë herë jo më përkrah eksponentëve të PS-së, por brenda ‘Çadrës së Lirisë’ së Lulzim Bashës, dhe përkrah eksponentëve të djathtë dhe një ish-drejtori policie.

Fotoja mes Blendi Klosit dhe Durim Keçit është në 2013 apo më parë, kohë kur ai kandidonte për deputet në Durrës, dhe Keçi ishte një qytetar i lirë që bën foto me politikanë, siç ndodh rëndomë. E njëjta situatë dhe në të njëjtën formë dhe logjikë, Durim Keçi, është në krah të një deputeti të PD-së, ish-drejtori të policisë, dhe militantëve, dhe sot është në burg.

Ajo që ha shumë diskutim është fakti se përse nuk tha Basha se fotoja ishte në 2013.

Basha akuzoi, dhe ndoshta ka të drejtë në akuzën e tij, por Klosi ishte kandidat për deputet në 2013-ën në Durrës, në 2017-ën ishte në Berat.

Në 2017-ën Keçi është në çadrën e PD-së. Pse Basha nuk e nxorri foton, nuk e kishte apo për shkak të marrëveshjes me Edi Ramën, apo mos ndoshta Durim Keçi loboi në zgjedhje për PD-në?

Klosi ka qenë në Durrës në 2011 dhe 2013, dhe me shumë gjasa fotoja e Durim Keçit, me Klosin dhe Vangjush Dakon, është në atë kohë, sepse më pas kemi foton e 2017-ës, ku Durim Keçi është në foto me eksponentë të PD-së në çadër.

Në një analizë të thjeshtë, Lulzim Basha, nuk del thjeshtë një njeri që po gënjen politikisht, por edhe i turpshëm, sepse shumë gazetarë, politikanë, analistë, qytetarë, me një analizë të thjeshtë e nxjerrin përfundimin.

Me sa duket nga fotot, Durim Keçi në 2013 ka qenë me PS-në dhe në 2017-ën ka qenë me PD-në në çadër dhe fotot janë dhënë nga vetë palët politike. Kësisoj nuk ka rëndësi i kujt është, sepse ajo është mëse e dukshme. Ai është me të dy, por Basha me publikimin e fotove u mundua ‘të bënte gol’ por “bëri edhe një autogol në minutat shtesë”./CityNews