Qeveria nuk ka përmbushur detyrimet/ Aktet nënligjore mbajnë peng Reformën në Drejtësi

15 Tetor 2017, 08:35, Aktualitet CNA

Sikurse është raportuar edhe më parë përpjekjet për të reformuar sistemin e drejtësisë e kanë futur atë në krizë, madje duke prodhuar kaosin total që nëse nuk merren masa do të rrëzojë edhe sistemin ekzistues të rrumpalldrejtësisë. Thellimi i mëtejshëm i krizës pritet të sjellë kaos pasi mungojnë shumë aktenënligjore të ligjeve kryesore, që synojnë spastrimin e drejtësisë së vjetër dhe implementimin e asaj të reformuar, si dhe pastrimin e politikës dhe strukturave qeverisëse nga zyrtarët e korruptuar.

Në trajtim të kësaj teme gazeta ?sot? raporton se Reforma në Drejtësi bazohet mbi shtatë ligje kryesor të cilët, që prej një viti kanë hyrë në fuqi, por nuk janë implementuar pasi ende nuk kanë dalë aktet nënligjore për ta. Gjë që ka krijuar probleme, më së pari, tek mosngritja në kohë ligjore e institucioneve të vetingut, përkatësisht Komisioni i Kualifikimit dhe Kolegji Apelimit për të cilat Qeveria duhej të kish nxjerrë aktet nënligjore që në muajin shkurt 2017, kur u zhbllokua nga Kushtetuesja.

Një detyrim ky që nuk është zbatuar, sikurse nuk janë zbatuar detyrimet e qeverisë ndaj një tjetër ligji tepër të rendësishëm si ai ?për statusin e gjyqtarëve dhe të prokurorëve?. Madje, sipas ekspertëve, në të janë bërë disa përcaktime kontradiktore sa i takon akteve nënligjore, duke sjellë kështu mosngritjen ende të strukturave të Këshillit të Lartë Gjyqësor dhe Këshillit të Lartë të Prokurorisë.

Dy ligje të tjera, që mund të zbatohen me vështirësi, janë ai për organet e reja të vetingut dhe për organet e luftës ndaj korrupsionit, vijon të raportojë ?sot?, duke sqaruar se: Sa i takon të parit, ligji detyron Qeverinë që brenda 5-6 muajve të nxjerrë 5 aktet nënligjore.

Por megjithëse ligji e ngarkon Këshillin e Ministrave që, brenda 6 muajve nga hyrja në fuqi e këtij ligji, të nxjerrë akte nënligjore që mundësojnë përmbushjen e detyrimeve të parashikuara nga pikat 3 dhe 4 të neni 278 të këtij ligji, kjo nuk ka ndodhur. Sikurse nuk ka ndodhur përmbushja e të njëjtit detyrim edhe në nxjerrjen e akteve nënligjore nga qeveria për institucionet e luftës antikorrupsion, që për të njëjtin shkak, pra mosnxjerrjen e akteve nënligjore ende nuk janë gati për tu implementuar./CityNews