Reagon ish-deputeti socialist / Rama nuk ia bën dot hesapet Europës

15 Tetor 2017, 08:09, Aktualitet CNA

Në një postim në rrjetet sociale, kryetari i Partisë Zgjidhja, Koço Kokëdhima, ka shprehur mendimin e tij se përse Shqipëria po vonon dhe nuk po diskutohet çështja e futjes së saj në BE. Referuar një intervitë të dhënë nga kryeministri Rama për një të përditëshme gjermane, me titull ?Kryeministri shqiptar shprehet se po i mbaron durimi me Evropën?, ai ka pohuar se Rama ka sjellë një klimë që po tremb dhe Europën.

?Të çmendur nuk janë evropianët që nuk ja hapin derën Shqipërisë. I çmendur është Rama që e ka vënë Shqipërinë nën pushtimin e trafiqeve më të ndyra që e lëndojnë ndërgjegjen e civilizuar evropiane. Vendin e zotëron mafia e marijuanës dhe oligarkia e korrupsionit?.

Në vijim Kokëdhima ka rreshtuar problemet e Shqipërisë të cilat jo vetëm që nuk po marrin zgjidhje, por po rëndohem më shumë.

?Atë e ka mbytur papunësia, padrejtësia, varfëria, dëshpërimi dhe dëshira e ethshme e njerëzve për të ikur një orë e më parë nga kjo skëterrë e Rilindjes. Tregjet, paratë, puna, licencat, mundësitë dhe resurset, kontratat dhe koncensionet janë përqendruar vetëm në duart e klientëve të koorporatës së kreut të Rilindjes dhe të oborrit të tij! Imazhi i Shqipërisë në Evropë dhe më gjerë ka rënë nën nivelet e kohëve më të mbrapshta të Sali Berishës. Shqipëria e Edi Ramës është shndërruar në sinonim i një kanceri social, që jo vetëm s?mund të integrohet në BE, por që duhet mbajtur për një kohë të pacaktuar në karantinë në mënyrë që mos të infektojë Europën nga trafiqet e saja të panumërta dhe të pashoqe. Vendi ynë, për fat të keq, përbën sot një njollë të zezë? është shprehur Kokëdhima.

Së fundmi ai nuk ka lënë pa përmendur që partia e tij ?Zgjidhja? është një ndër mundësitë më të mira që iu ofrohen shqiptarve së fundmi dhe nuk duhet ta neglizhojnë atë.

?ZGJIDHJA do ngrejë shtetin modern të shqiptarëve, ekonominë e vendit, do të instalojë e garantojë liritë e konkurrencës perfekte në politikë, ekonomi dhe në çdo sektor tjetër të jetës së vendit. Do e lartësojë e pastrojë emrin shqiptar, do ta bëjë çdo qytetar krenar për identitetin tonë shtetëror e kombëtar, shteti ynë do jetë mbrojtës dhe ndihmues për çdo atdhetar. ZGJIDHJA do bëjë të mundur që të zhvillohen e lulëzojnë energjitë krijuese dhe talentet e mëdha të burrave dhe grave të këtij populli? ka shkruar Koço Kokdhima në postimin e tij. /CityNews