web counter
LEXO PA REKLAMA!

SHKARKO APP

Flamur Noka ngujohet në Parlament/ Seanca fillon në orën 17:00

12 Tetor 2017, 13:13, Aktualitet CNA

Edhe pse u përjashtua nga kryetari i Kuvendit , deputeti i Partisë demokratike, Flamur Noka vijon të qëndrojë i ngujuar në Parlament duke mos dalë për asnjë moment nga ambjentet e sallës së parlamentit.

Nëse deputeti Noka, largohet nga salla ai nuk do të lejohej më nga Garda që të futet brenda, për shkak të përjashtimit që i bëri paraditen e sotme kryeparlamentari Ruçi, pas bllokimit të punimeve të Kuvendit nga deputeti Noka.

Seanca është shtyrë për në orën 17:00, ndërkohë deputetët e PD vazhdojnë të hyjnë dhe dalin nga ambjentet e parlamentit.

Kujtojmë këtu se seanca u ndërpre pasi deputeti Noka kërkoi fjalën, ndërsa kryeparlamentari Ruçi por i dha fjalën Shezai Rrokajt.

Më pas situate është tensionuar dhe deputeti Noka ka bllokuar foltoren e Kuvendit, duke përsëritur veprim e Bashës në seancën e javës së kaluar.

Pas debateve dhe replikave të forta, kryeparlamentari Ruçi ka shtyrë seancën për në orën 17:00 të pasdites./ CityNews





Lajmet e fundit nga