web counter
LEXO PA REKLAMA!

SHKARKO APP

App Store
Google Play

E fundit!

x

Uragani “Ofelia” kërcënon Europën

12 Tetor 2017, 11:21, Aktualitet CNA

Europës po i drejtohet një stuhi tropikale ?Ofelia? e cila është shndërruar në uragan të kategorisë së parë.

Qendra Kombëtare e Uraganeve në Shtetet e Bashkuara të Amerikës ka dhënë paralajmërim pasi sipas saj stuhia e radhës e këtij sezoni në Atlantik ndodhet rreth 1 200 km në jugperëndim të Azoreve dhe po lëviz drejt Kontinentit të Vjetër me erërat e saj që mbërrijnë shpejtësinë 135 km/h.

Sipas mediave Britanike ?Ofelia? do ta godasë shtetin-ishull në 30-vjetorin e stuhisë së madhe të vitit 1987, nëse modelet kompjuterike rezultojnë të sakta. Në ?dyert? e Britanisë ajo pritet të ?trokasë? mbrëmjen e 15 tetorit e pas kësaj trajektorja e lëvizjes parashikohet të jetë në verilindje të Europës.

Stuhia e madhe e tre dekadave më parë në Mbretërinë e Bashkuar goditi pikërisht në datat 15 dhe 16 tetor, duke vrarë 22 persona në Britani e Francë. Asokohe, ajo e preku tokën në Kornuoll, vendi ku besohet se do ta nisë edhe ?Ofelia? furinë e saj, ndërsa industrisë vendase të sigurimeve i kushtoi 2 miliardë paundë, çka e bën fenomenin e dytë më të shtrenjtë metereologjik në historinë e vendit.

?Ofelia? është uragani i dhjetë i këtij viti e pason stuhi të një force shkatërrimtare si ?Harvey?, ?Irma?, ?Maria? dhe ?Nate?, të cilët i zhytën në kaos Ishujt Karaibe e disa shtete amerikane./CityNews





Lajmet e fundit nga