web counter
LEXO PA REKLAMA!

SHKARKO APP

App Store
Google Play

E fundit!

x

Kreditë “lehtësuese” të Bashkisë për shtëpi, marrëveshje korruptive me Raiffeisen Bank, gjysma e shumës së kredisë është konsumatore, me interes 14%. Mashtrimi!

12 Tetor 2017, 09:32, Aktualitet CNA

Bashkia e Tiranës ka anancuar shumë dhënien e kredive për shtëpi banimi për të pastrehët dhe shtresat në nevojë. Kredi 20 vjeçare e cila reklamohet se për këto shtresa të pamundura për të garantuar vetëm një çati mbi kokë, është gjetur zgjidhja përfundimtare për strehimin. Janë përpiluar lista dhe janë marrë dokumente për këtë qëllim nga kryefamiljarët e familjeve përfituese. Madje është bërë dhe një filtrim për të gjithë përfituesit, duke përjashtuar ata që kanë qënë ministra, zv.ministra të PD kryesisht, mjafton të përmendim të pastrehin me katër shtëpi Flamur Noka. Dhe mirë kanë bërë, madje duhej të ishin ndëshkuar ata që kishin dhënë kredi për strehim për njerëz të tillë. Dhe në fund bashkia e Tiranës ka nënshkruar dhe marrëveshjen me një nga bankat e nivelit të dytë. Nuk është sekret ta themi, me ish Bankën Shqiptare të Kursimeve që shumë kohë më parë është blerë nga Raiffeisen Bank. Dhe që si për ?inerci? apo përfitime, të gjitha veprimet e shtetit me këtë bankë bëhen. Në pamje të parë duhet një marrëveshje normale mes një institucioni të zgjedhur të shtetit, Bashkisë së Tiranës në rastin konkret dhe një institucioni bankar si Raiffeisen Bank. Por po të hysh në terma të detajuar, ju garantojmë se 90 përqind e përfituesve shqiptarë të kësaj kredie të bashkisë e quajtur e butë nuk e kanë lexuar, vihet re me sy të lirë se e gjitha kjo është në kurriz të kësaj shtrese përfituese të kredisë për shtëpi banimi. Pavarësisht se thelbi i kredisë së dhënë nga bashkia teorikisht quhet lehtësuese.

Më konkretisht, sipas marrëveshjes mes bashkisë së Tiranës dhe Raiffeisen Bank, për një shtëpi banimi për nevojtarët e përzgjedhur, Raiffeisen Bank të jep 75 deri në 80 përqind të shumës për blerjen e shtëpisë për pallatet e reja dhe 65 deri ne 70 % shumës për blerjen e shtëpisë për pallatet ekzistuese. Vlen të theksojmë se shumica e shtëpive nga kredia bashkiake do të blihen nga pallatet e vjetra, kushtojnë më pak. Shkojmë më tej.

Banka ?Raiffeisen?, pas marrjes së kredisë së ?butë? të detyron që 20 deri 35 % të shumës totale të kredisë së dhënë të ta japin si kredi konsumatore apo biznesi me interes 12 përqind nëse je pagëmarrës i Raiffeisen Bank dhe 14 përqind nëse nuk je pagëmarrës i Raiffeisen Bank. Gjasat janë që mbi 90 përqind të jenë jashtë ?radarit? të Raiffeisen Bank, duke bërë që të gjithë kredimarrësit të paguajnë 14 përqind interes për 35 përqind të kredisë së marrë nga bashkia përmes kësaj banke të nivelit të dy. Ndërkohë që sipas marrëveshjes, sigurimi i pronës është shumë fikse ndërsa vlerësimi varion sipas rastit. Kredia që të jep bashkia është për 20 vjet kurse diferenca është 7 vjet. 42 milionë e 600 mijë lekë të vjetra është niveli mesatar i kreddisë së dhënë nga bashkia për çdo familje që është në listën e përfitimit. Gjithkush mund ta bëjë llogarinë vetë se sa interes do ti takojë për të paguar çdo muaj në arkën e Raiffeisen Bank, sipas marrëveshjes së bërë me bashkinë e Tiranës. Kjo shtresë quhet në nevojë dhe pjesa më e madhe e tyre do të ?këputen? thjeshtë vetëm nga interesi i kredise konsumatore, jo më që të arrijnë të paguajnë bankën për kredinë e marrë. Që në fund të herës, nga pamundësia për të paguar do të këputen në gjoba dhe në fund të herës do të lënë jo vetëm shtëpitë që kanë marrë peng tek Raiffeisen Bank, por do të hyjnë dhe më thellë në borxhe të banka e nivelit të dytë. Do të kenë punë tërë jetën me Përmbarimin, dhe ashtu në atë gjendje të këputur që janë. Prandaj themi se kjo është kredi jo lehtësuese por mbytëse për këtë shtresë në nevojë, që tashmë mashtrohet me faktin se po bëhet me shtëpi banimi përmes një kredie të ?butë?./Pamfleti.com





Lajmet e fundit nga