web counter
LEXO PA REKLAMA!

SHKARKO APP

E fundit!

x

“Furtunë” në hipotekë/ Pas drejtorëve largohen dhe regjistruesit

12 Tetor 2017, 12:22, Aktualitet CNA

Zyrat e regjistrimit të Pasurive të Paluajtshme brenda Shqipërisë do të pësojnë një reformim të thellë, duke larguar të gjithë militantët e LSI.

Para disa ditësh, ministrja e Drejtësisë shpalli vendet vakante për 26 drejtori të Hipotekës në rrethe, ndërsa tani kjo ministri ka shpallur konkursin për vende të lira pune edhe për regjistruesit.

Mësohet se një pjesë e madhe e regjistruesve janë larguar, ndërsa një pjese tjetër i është dhënë afat të dorëhiqen brenda datës 25 tetor.

Sipas kësaj ministrie, konkursi ka për qëllim rekrutimin e regjistruesve të rinj, bazuar në procedura transparente si dhe largimin e atyre aktualë.

Ndërkohë Ministria e Drejtësisë, bën me dije se të gjithë të interesuarit duhet të plotësojnë disa kushte ligjore për të aplikuar për pozicionin e regjistruesit.

Sipas kësaj ministrie, kandidati duhet të jetë shtetas shqiptarë, të ketë mbaruar arsimin e lartë për juridik dhe të mos ketë qënë i dënuar penalisht./ CityNews





Lajmet e fundit nga