web counter
LEXO PA REKLAMA!

SHKARKO APP

App Store
Google Play

Furtuna në administratë/Ja drejtoritë që shkrihen

8 Tetor 2017, 13:17, Aktualitet CNA

Ristrukturimi i thellë i të gjitha degëve të qeverisjes pritet të prodhojë valën e parë të largimeve. Përpos shkrirjes së 8 ministrive të rëndësishme, dhjetëra drejtori nuk do të ekzistojnë më ose do t?u bashkëngjiten drejtorive të tjera, tashmë me një numër të reduktuar punonjësish. Për shkak të shkrirjes së Ministrisë së Integrimit, pesë drejtori në varësi të kësaj ministrie, nuk ekzistojnë më. Edhe vetë ministria, e cila është shndërruar në një drejtori, ende nuk figuron në varësi të Ministrisë së Jashtme.

Në riorganizimin e ri të degëve të qeverisjes, Qendra Kombëtare e Kërkim-Shpëtimit nuk figuron më në varësi të Ministrisë së Mbrojtjes dhe as në varësi të një dikasteri tjetër. Drejtoria e Përgjithshme e Rezervave Materiale të Shtetit, nuk figuron më në varësi të Ministrisë së Mbrojtjes.

Kjo drejtori është bashkuar me emergjencat civile. Gjithashtu, do të reduktohen drejtoritë e Shërbimit Social Shëndetësor. Agjencia Kombëtare për Sigurinë Kompjuterike, për shkak të shkrirjes së Ministrisë së Inovacionit, është bërë pjesë e Autoritetit Kombëtar për Certifikimin Elektronik, në varësi të Kryeministrisë. Gjithashtu, Departamenti i Inovacionit e Mirëqeverisjes, dikur në varësi të Ministrisë së Inovacionit, nuk ekziston më.

Drejtoritë që shkrihen

Drejtoria e Përafrimit të Legjislacionit të BE, integrimi
Drejtoria e Jetësimit të Prioriteteve dhe Sekretariatit Evropian, integrimi
Drejtoria e Bashkëpunimit Territorial, integrimi
Drejtoria e Burimeve Njerëzore, çështjeve Juridike dhe Shërbimeve, integrimi
Drejtoria e Programimit dhe Monitorimit të Asistencës së BE, integrimi
Qendra Kombëtare e Kërkim-Shpëtimit, Ministria e Mbrojtjes
Drejtoria e Përgjithshme e Rezervave Materiale të Shtetit, shkrihet me emergjencat civile,
Ministria e Brendshme
Reduktohen drejtoritë e Shërbimit Social Shëndetësor
Agjencia Kombëtare për Sigurinë Kompjuterike
Departamenti i Inovacionit e Mirëqeverisjes





Lajmet e fundit nga