Nga Artur AJAZI / Luli është i djathtë apo i majtë ?

8 Tetor 2017, 11:21, Aktualitet CNA

Dilema në se Luli është i majtë apo i djathtë, ka shoqëruar shumicën e ?gardës së vjetër? shumë vite më parë, madje qysh me krijimin e KOP-it. Kjo jo vetëm për faktin se Luli nuk kishte fare kontribute në PD, por edhe sepse ai nuk njihej si përkrahës dhe mbështetës i të djathtës derisa Berisha e afroi pranë vehtes. Pavarsisht se Luli u ?zgjodh? me shumicë votash kryetari PD, mendoj se ai nuk mund të konfirmohet plotësisht dhe pa asnjë hezitim, si lideri i të djathtës në Shqipëri.

Të jesh i djathtë nuk është edhe aq e lehtë, (por edhe te jesh i majtë) pasi e djathta njeh si ideologji politike substancën dhe jo formën, pasi e djathta bazohet mbi vlera universale. Padyshim këto vlera të së djathtës, nuk mund të tjetërsohen sa hap dhe mbyll sytë, pasi janë thesare të çmuara. Kurse e majta padyshim është progresiste, pasi me kohë ka zëvëndësuar gjithçka të vjetër me qasje dhe vlera të reja duke qenë e vetëdijshme në rolin dhe misionin e saj. Në rast se je i djathtë, nuk është çështje deklamimi por mënyrë reagimi dhe kulture qytetare dhe shoqërore, e cila shprehet çdo ditë në reagimet e tua si qytetar, politikan apo kryetar partie.

Sot në terrenin politik shqiptar, ka dy kahe politike, që janë pothuajse të dyja të majta, pasi e djathtë nuk është as PD dhe as Luli, që nuk kanë asgjë të përbashkët as në substancë, as në përmbajtje dhe as në formë. Partia e Luli realisht nuk është një forcë e djathtë, dhe këtë e përforcon substancialisht fakti se, edhe kur bëjnë mbledhje të grupit parlamentar, mbizotëron togfjalëshi standard si psh ?ti je tradhëtar, ti je i shitur, ti je i blerë, qepe gojën, ulu aty?, apo arrihet deri aty sa shkohet edhe në dhunë verbale dhe fizike. Një parti dhe një kryetar i djathtë nuk toleron dhe nuk stimulon në mbledhjen e kryesisë apo grupit parlamentar, që ?akuzat? për kundërshtarin të kthehen në skena luftarake ndaj çdo zëri kundër.

Luli në çdo dalje publike nuk dëgjohet të ketë prezantuar asgjë të djathtë në substancë, por vetëm sa ka urdhëruar servilët dhe jeniçerët e tij, ?të punojnë me orë të zgjatura e të përgatitin fjalime, që të kenë një perfomancë të admirueshme në parlament?. Pra Luli u jep porosira dhe urdhëra ?prurjeve të reja? të kenë kostume dhe kollare të shtrenjta, (por jo atlete) të flasin lirshëm në foltore dhe jo budallalliqe, ?ta godasin qeverinë atje ku nuk e pret? duke i transforumuar ata në paramilitarë dhe jo deputetë dinjitozë. Mënyra se si Luli i trajton deputetët e tij (kryesisht të rinjtë) është tipike e majtë, duke i drejtuar ata tek mënyra e majtë e zhvillimit të luftës brënda Parlamentit. Fare lehtë konstaton se në sallën e Parlementit sot janë dy forca të majta, nga njëra anë PS e Ramës (një e majtë progresiste) dhe nga ana tjetër PD e Lulit një e ?majtë? kopjace. Rama pothuajse në çdo debat elektoral dhe parlamentar, publik dhe politik, ka arritur ta tërheqë Lulin në fushën e tij, duke e detyruar atë të merret me broçkulla apo të recitojë fjalime pa kuptim. Luli formalisht është i djathtë, por bazën e ka të majtë, sepse veç të tjerave rëndësi ai gjithmonë i jep e formës dhe jo përmbajtjes.

Me këtë mentalitet politik, ai po formëzon edhe deputetët e rinj, të cilët duhet thënë se akoma e shohin atë si Zeusin e PD. Edhe zgjedhja e Ruçit si kryetar Parlementi, ishte një kurth i pastër që Rama i ngriti Lulit, duke e detyruar atë të bëjë spektaklin e rradhës para kamerave brënda dhe jashtë sallës. E ?djathta? e Lulit ka kohë që është e përfshirë vetëm në ?spektakle? televizive, duke mos evidentuar në asnjë rast se cili është misioni i saj si ?forcë politike e djathtë? siç pretendon që është.

Ndoshta ka ardhur koha që Luli, të deklarohet me maturi, ?qetësi e dashuri?, nëse është një lider i konfirmuar nga baza, dhe nëse vija e tij ideologjike është e djathtë, apo më e majtë se e majta në Shqipëri. Sinqerisht kjo do ta lehtësonte shumë imazhin dhe rolin e tij si lider, apo thjesht kryetar i përkohshëm partie.