web counter
LEXO PA REKLAMA!

SHKARKO APP

App Store
Google Play

Arrestohet menaxheri që sajoi grabitjen te Brryli

2 Tetor 2017, 12:24, Aktualitet CNA

Policia ka bërë të mundur zbardhjen e ngjarjes te Brryli në Tiranë, e cila fillimisht u raportua si grabitje me dhunë.

Sipas policisë, autor është vetë menaxheri i marketit, i cili u arrestua për kallëzim të rremë. Gjithashtu policia njofton se i arrestuari është shtetas Albi Celiku, 27 vjeç, banues në Tiranë.

Ky i fundit ka pranuar në polici se i duheshin paratë, pasi kishte humbur në loto një shumë të konsiderueshme.

Ndërsa policia bën të ditur se shuma e humbur është 500 000 lekë të rinj.

Informacioni i plotë nga policia:

Sajon grabitje me dhunë nga persona të armatosur. Policia arreston 27vjeçarin. Shërbimet e Policisë Tiranë arrestuan shtetasin : ? Albi Celiku, 27 vjeç, banues në Tiranë.

Ky shtetas më datë 02.10.2017, rreth orës 10:50, ka bërë njoftim të rremë në organet e policisë të rendit, duke njoftuar se është grabitur nga persona të armatosur të cilët i kanë vjedhur me dhunë shumën prej 500 000 lekë të reja.

Nga hetimet e kryera rezulton se ky shtetas shumën prej 500 000 lekë të reja e ka lënë në disa pika bastesh.

Nga ana e shërbimeve të policisë janë dokumentuar dhe ambientet se ku ky shtetas ka humbur këtë shumë lekësh duke luajtur në disa pika bastesh sportive.

Materialet iu referuan Prokurorisë së Rrethit Gjyqësorë Tiranë, në ngarkim të shtetasit të lartpërmendur për veprën penale ?Kallëzim i rremë në organet e policisë./ CityNews





Lajmet e fundit nga