web counter
LEXO PA REKLAMA!

SHKARKO APP

E fundit!

x

Vidhet kabulli elektrik/Rruga Kashar-Rinas në errësirë të plotë

30 Shtator 2017, 14:20, Aktualitet CNA

Mbizotëron errësira totale në aksin rrugor Kashar-Rinas, pasi është vjedhur rreth 10 km kabull elektrik. Edhe pse kompania që mirëmban rrugët ka bërë tre kallëzime në polici, nuk ka pasur asnjë reagim për zgjidhjen e kësaj çështje.

Ky aks është një ndër rrugët me më shumë fluks në vend,  duke qenë një nyje për aeroportin e Rinasit, portin e Durrësit, bizneset aty rreth dhe kryeqytetit. Momentalisht kjo rrugë që ndodhet në errësirë të plotë është shndërruar në një rrezik për aksidente dhe krime të ndryshme.

Sipas Enian Meta,  inxhinier i kompanisë që mirëmban rrugën e Rinasit,  hajdutët  fillimisht kanë prerë energjinë elektrike që në burim duke shqyer me forcë kabinën elektrike.

Dyshohet se grabitësit, mund të kenë përdorur veshje fosforeshente për tu kamufluar si punëtorë të mirëmbajtjes, apo enteve të tjera shtetërore që operojnë në rrugë. Grabitja e kabllit të sistemit të ndriçimit, në rrugën e Rinasit nuk ka ndodhur brenda ditës, po çdo ditë nga pak, çka dëshmohet edhe nga gropat e sapo hapura nga hajdutët.

Me shumë mundësi  kabulli i vjedhur  shitet  për skrap, ku vetëm vlera e bakrit llogaritet në mbi 6 milion lekë të reja. Kompania thotë se ka nisur të zëvendësojë kabllin e vjedhur, pa një garanci që kablli nuk do të vidhet serish. CityNews





Lajmet e fundit nga