web counter
LEXO PA REKLAMA!

SHKARKO APP

App Store
Google Play

“Dashuria” Basha-Kryemadhi/ Dasma fillon në Përrenjas

30 Shtator 2017, 11:19, Aktualitet CNA

Dy ditë më parë Lulzim Basha u pa duke përqafuar e puthur kryetaren e LSI-së, Monika Kryemadhi në vendet ku qëndronin deputetët në sallën e Kuvendit.

Pas gjitha atyre akuzave të ndërsjellta pas marrëveshjes së 18 Majit, ky akt i Lulzim Bashës nga shumëkush është marrë si një shenjë ?dashurie?.

Kjo puthje mes dy krerëve të dy partive të vetme opozitare, Basha dhe Kryemadhi, dha efektin e parë e dha me mbylljen e debateve dhe sherreve të  ashpra në Këshillin Bashkiak të Përrenjasit.

Kjo u vërtetua në mbledhjen e djeshme, në të cilën do merrej në shqyrtim dhe miratuar një projekt të zyrës urbanistike, i cili ka marrë mbështetjen e kryetares së bashkisë, Miranda Rira.

Mësohet se këshilltarët socialistë kanë reaguar për projektin e kryetares së Bashkisë që drejtohet nga LSI, për menaxhimin e mbetjeve dhe 150 kazanë mbeturinash.

Megjithatë pas kësaj, debatet në Këshill kanë vazhduar për rreth katër orë, dhe burime zyrtare bëjnë të ditur se anëtarët e PS në Këshillin Bashkiak të Përrenjasit kanë kundërshtuar këtë projekt,i cili sipas Bashkisë është vetëm në dobi të banorëve të Përrenjasit dhe zonave përreth.

Mesa duket, edhe nën efektin e puthjes mes dy krerëve të partive opozitare, më në fund Këshilli Bashkiak e ka miratuar projektin pasi anëtarët e PD-së kanë bashkuar votat me LSI-bë duke rrëzuar socialistët.

Firma e ka mbaruar kontratën e pastrimit dhe projekti i ri ka si qëllim kontraktimin e një firme tjetër, për një periudhë 5-vjeçare./ CityNews





Lajmet e fundit nga