web counter
LEXO PA REKLAMA!

SHKARKO APP

App Store
Google Play

Kryengritja e LSI/ Thirrje dhe mbështetje militantëve për procese gjyqësore

30 Shtator 2017, 10:42, Aktualitet CNA

Megjithse janë të bindur se i kanë siguruar vëndet e punës falë militantizmit dhe pazareve të forcës së tyre politike, lësëistët e Monika Kryemadhit e konsiderojnë ?kriminale? strategjinë e Qeverisë Rama 2 për të ristrukturuar administratën publike.

E ndodhur përpara situatës së çmontimit të përfaqësuesve të saj në administratën e qeverisë Rama 1, kur një pjesë janë larguar dhe të tjerëve u kanë mbritur shkresëlajmërimet për largim, shtabi i LSI u ka bërë thirrje militantëve të kundërveprojnë fuqishëm. Madje në bazë të një plani të servirur nga qendra e partisë, raporton gazeta ?sot?, fakti i të cilës konfirmohet për CityNews edhe nga burime të afërta me kabinetet Kryemadhi-Vasili.

Sipas këtyre të fundit, plani i Ramës nuk ka për të ecur me ?paqe?, pasi në kundërveprim të strategjisë reformuese të Qeverisë, në fakt të imponuar nga BE-ja për të merituar hapjen e negoziatave, me urdhër nga qendra e LSI-së në të gjitha rrethet e vendit janë ngritur shtabet që monitorojnë procesin, kurse i është bërë thirrje nënpunësve të rrezikuar të mos i dorëzojnë detyrat.

Të rrezistojnë ndaj çdo presioni, urdhëri apo shkrese që do tu jepet nga drejtuesit socialistë të institucioneve ku ata janë të punësuar. Dhe në qoftë se presioni do të jetë i papërballueshëm qendra këshillon që ata të mos i kalojnë situatat në heshtje por ti drejtohen gjykatave.

Madje qendra e LSI, lidhur me përplasjet juridike ka garantuar vënien në dispozicion të një armate avokatësh, duke konfirmuar kështu edhe njëherë fuqinë financiare që kjo forcë politike disponon./CityNews





Lajmet e fundit nga