web counter
LEXO PA REKLAMA!

SHKARKO APP

App Store
Google Play

E fundit!

x

Kokëdhima/ Qeveria dhjakse dhe e pabesë e Edi Ramës

30 Shtator 2017, 19:02, Aktualitet CNA

Kryetari i ZGJIDHJA-s, Koço Kokëdhima, nëpërmjet një postimi në rrjetin social  e cilësoi qeverinë e Ramës frikacake dhe të pabesë, duke vënë përballë prishjet e banesave në Shkozë ku dërgoi fadromat dhe i shkatërroi ndërsa në Himarë çoi dy ministra për të biseduar fshehurazi, pas kërcënimeve të Athinës.

?Ky është Rama i vërtetë: Dhjaks përpara Athinës dhe Brukselit, i egër, çnjerëzor dhe cub me popullin e varfër të Shkozës! Ç?të bëjnë banorët e Shkozës që të dëgjohen nga kjo qeveri? Të vetëshpallen grekë apo serbë?!?, shkruan Kokëdhima.

Më tej ai thotë se Rama refuzon të flasë me popullin e tij dhe shkon e merret vesh fshehurazi me Bollanon, Belerin dhe Omonian.

Në mbyllje të shkrimit  Koço Kokëdhima shkruan: ?Vajmedet për timonierin që kemi!?

 

Statusi në Facebook

Mediat njoftojnë se kryeministri ka dërguar ministrat Damian Gjiknuri dhe Mirela Kumbaro, për t?u takuar dhe marrë vesh në fshehtësi me Vasil Bollanon dhe Fredi Belerin e Omonias. Rama refuzoi kërkesat e përsëritura dhe propozimet këmbëngulëse të mia dhe të Zgjidhja-s për t?i legalizuar e shpronësuar me çmime tregu të gjitha ndërtimet e banorëve të Himarës që preken nga projekti për urbanizimin e qëndrës së qytetit.

Ky “trim” që i thoshte deri dje Athinës ?Shiko punët e tua!? pranoi menjëherë kërkesat e drejta të himarjotëve sapo i trashi zërin Athina, Brukseli e kushedi çfarë lobi tjetër deri në SHBA. Qeveria e tij e pabesë u dërgoi natën fadromat 160 familjeve në Shkozë, pa asnjë paralajmërim. Sot ka pranuar t?i shpronësojë (kompensojë) të gjithë në Himarë me ?çmime tregu?.

Ndërkohë banorët e Shkozës, që të vetmin ?mik dhe përkrahës? duhet të kishin shtetin e tyre,  flaken në rrugë pa asnjë kacidhe. Ky është Rama i vërtetë: Dhjaks përpara Athinës dhe Brukselit, i egër, çnjerëzor dhe cub me popullin e varfër të Shkozës! Ç?të bëjnë banorët e Shkozës që të dëgjohen nga kjo qeveri? Të vetëshpallen grekë apo serbë?! Apo të ikin “me kuç e me maç” nga sytë këmbët për “të marrë eksperiencë nëpër shtetet e largëta të botës”, siç thotë kryeministri ynë?!

Rama refuzon të flasë e dëgjohet me shqiptarët, me popullin, me himarjotët, me qytetarët e Shkozës, me ZGJIDHJA-n, me mua, me partitë e tjera shqiptare, me deputetët, dhe shkon e merret vesh fshehurazi me Bollanon, Belerin dhe Omonian! Vajmedet për timonierin që kemi! #ZgjidhjaPërPopullinShqiptar /CityNews





Lajmet e fundit nga