web counter
LEXO PA REKLAMA!

SHKARKO APP

App Store
Google Play

E fundit!

x

Basha mbështet Ambasadorin Lu/ Bën thirrje për të rrëzuar qeverinë

30 Shtator 2017, 15:55, Aktualitet CNA

Menjëherë pas mesazhit që dha ambasadori amerikan Donal Lu, në takimin me të rinjtë në Rrëshen, ku tha se  nëse qeveria nuk ju përgjigjet, ju e rrëzoni atë, Kryetari i PD, Lulzim Basha, ka reaguar në një postim në rrjetin social. Basha tha se Ambasadori ka të drejtë në mesazhin që u tha të rinjve.

Ai tha se kur qeveria refuzon të paguajë librat nga buxheti, përgjigjja është e thjeshtë pasi vetëm për gjysmën e parë të vitit, qeveria shpenzoi për udhëtime dhe rikonstruksion zyrash aq para sa për të siguruar librat shkollorë për të gjithë nxënësit e Shqipërisë.

Gjithashtu, Basha shkruan se Partia Demokratike do të depozitojë në Kuvend propozimin për të financuar nga Buxheti librat e shkollës për të gjithë fëmijët e Shqipërisë.

Ja statusi i plotë:

Ambasadori ka të drejtë në mesazhin për të rinjtë: ” Ju jetoni në demokraci. Ju duhet të kërkoni dhe nëse qeveria nuk ju përgjigjet, ju e rrëzoni atë. Kështu funksionon demokracia. Në demokraci, përgjegjësinë dhe pushtetin e keni ju.”
Ndërsa përgjigja për pyetjen që çdo shqiptar duhet t?i bëjë qeverisë, kur ajo refuzon të paguajë librat shkollorë nga buxheti, është e thjeshtë:
Vetëm për gjysmën e parë të vitit, qeveria shpenzoi:
1. Për bileta/udhëtime rreth 2 milionë dolllarë.
2. Për Orendi/rikonstruksion zyrash: rreth 14 milionë dollarë.
Kaq pará janë të mjaftueshme për të siguruar librat shkollorë për të gjithë nxënësit e Shqipërisë.
Ashtu sic ka premtuar, Partia Demokratike do të depozitojë në Kuvend propozimin për të financuar nga Buxheti librat e shkollës për të gjithë fëmijët e Shqipërisë./CityNews





Lajmet e fundit nga