web counter
LEXO PA REKLAMA!

SHKARKO APP

App Store
Google Play

E fundit!

x

Policia holandeze kishte të drejtë për rrezikun shqiptar

30 Shtator 2017, 18:42, Aktualitet CNA

Kur një raport i policisë holandeze jepte alarmin për rrezikun nga bandat e strukturuara kriminale shqiptare dhe shndërrimin e azilkërkuesve shqiptarë në keqbërës, shteti shqiptar u përgjigj mohueshëm me arrogancë. Kjo arrogancë manifestohej jo vetëm nga ?geishat? e Rilindjes në funksione ambasadoreshe apo drejtoreshe në ministri, por edhe vetë nga kryeministri Edvin. Faktikisht policët holandezë kishin të drejtë, ndërsa gaboheshin rilindasit tanë. Shqiptarët (shumë prej tyre zyrtarisht azilkërkues) gjithnjë e më tepër kapen me presh në dorë duke vjerdhur, grabitur me armë, duke shpërthyer kontejnerë në Rotterdam e Amsterdam për të marrë ngarkesat me kokainë të sapo ardhura nga Amerika Latine apo edhe duke organizuar trafik klandestinësh nga portet holandeze drejt atyre angleze.

Rasti më i fundit u konstatua në Portin e Schiphol-it. Nga mushamaja e carë e një kamioni dolën me shpejtësi 7 klandestinë dhe ia dhanë vrapit rrugëve të qytetit port. Policia i kapi të shtatë.Ata ishin shqiptarë të moshave 21-26. Shoferi portugez 54 vjecar i kamionit as që e kishte idenë për ?ngarkesën? shtesë në kamionin e tij. Ky zbulim klandestinëshh shqiptarë i alarmoi policët holandezë. Deri tani bandat shqiptare i dërgonin klandestinët në Angli përgjithësisht nga portet e Hoek Van Holand dhe Ijmuiden, ndërsa rasti i Portit të Schiphol-it tregon se këto banda po kërkojnë rrugë e mundësi të reja për dërgim klandestinësh në Angli. /CityNews

Gjergj Thanasi





Lajmet e fundit nga