E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Nga Xhovani SHYTI/Politika dhe korrupsioni “ping-pong” me SPAK-un, Byronë e Hetimit dhe Vettingun

30 Shtator 2017, 17:05, Aktualitet CNA

Më në fund, me 74 vota në favor, Parlamenti miratoi strukturën organike për Komisionin e Kualifikimit, Kolegjin e Apelimit dhe komisionerin Publik, tre organet që do të jenë sita e imët për figurën e gjithë gjyqtarëve e prokurorëve.

E theksuam frazën ?më në fund? duke patur parasysh se ka një tendencë pingpongistë me gjithsa po ndodh me Reformën në Drejtësi. Tendencë kjo e pohuar edhe nga burime mediatike, por edhe konfidenciale, pranë institucioneve të përfshira në proceset e Reformës. Sipas këtyre të fundit, në mungesë të forcës për ta ndalur implementimin e proceseve përmbajtësore të Reformës, ka një prirje për ti shtyrë ato në kohë. Gjë që e kanë konstatuar dhe protagonistë të huaj të përfshirë në këtë proces jetik për fatin e Shqipërisë europiane.

Jemi të gjithë të ndërgjegjshëm se ka disa njërës që janë të interesuar për të bojkotuar, për të keqkuptuar, për të zvarritur, për tu fshehur dhe për ta dëmtuar edhe më shumë vettingun?, ka artikuluar nëpërmjet ekranit Ranier Deville. Ish drejtues i Misionit EURALIUS, që këtë herë është përzgjedhur për të monitoruar seancat dëgjimore të gjyqtarëve e prokurorëve.

Konstatimi i Mr. Deville duket fare qartë edhe prej faktit se megjithëse nga miratimi në Kuvend, me 100% të votave të deputetëve, ka kaluar më shumë se një vit ecja e proceseve reformuese të drejtësisë ka qenë fare e ngadaltë.

Megjithse shtatori shënon muajin e 14 të nisjes së reformës ende nuk është arritur të ngrihet struktura e plotë e vettingut pas të cilës do të nis strukturimi i dy njësive ?bombë? të goditjes së korrupsionit zyrtar dhe atij politik, përkatësisht SPAK dhe Byroja Kombëtare e Hetimit.

Deri tani është arritur të ngrihet trupa e ONM, por ende Këshilli i Lartë i Gjyqësorit (KLGJ) dhe ai i Prokurorisë(KLP), që kanë sjellë si pasojë mosnisjen ende të verifikimit të pasurive dhe figurës morale të gjyqtarëve e prokurorëve.

Ngadalësimi në ngritjen e strukturave mbikqyrëse e monitoruese të vettingut si dhe moszbatimi i afateve kohore të paracaktuara kanë ardhur nga reagimet pa sens të asaj pjese të politikës, të gjyqësorit, prokurorisë dhe asaj pjese të institucioneve që preken nga implementimi. Dhe që për ta shtyrë sa më shumë në kohë kanë zgjedhur të luajnë ping-pong me ndërkombëtarët që kanë marrë përsipër realizimin e Reformës në Drejtësi.

Por edhe nga gurët në rrota që i kanë venë procesit Hipoteka dhe Zyrat e Regjistrimit të Pasurive, të cilat për muaj me rradhë nuk kanë lëvizur vendit për të bërë transparencën e pasurive të gjyqtarëve e prokurorëve, sikurse detyron ligji.

Rasti më flagrantë dhe që e përforcon drejtëpërdrejt idenë e vënies së gurëve në rrota ndaj procesit të vettingut është padia që pakuptueshmërisht Unioni dhe Shoqata Kombëtare e Gjyqtarëve ia adresuan Gjykatës Kushtetuese, si dhe skandali i denoncuar nga ministrja në detyrë e Drejtësisë, e cila pak ditë më parë, nga mbledhja e Këshillit të Lartë të Drejtësisë deklaroi se Inspektoriati i Lartë i këtij Këshilli, që nga muaji janar i këtij viti, nuk kishte shqyrtuar e verifikuar asnjë formular vetëdeklarimi të depozituar nga gjyqtarët e prokurorët.

Kanë ndodhur të gjitha këto ndërsa ishte parashikuar që në shtator gjithçka të ishte gati dhe në tetor strukturat ndëshkuese të Reformës në Drejtësi të nxirrnin produktin e parë./CityNews