web counter
LEXO PA REKLAMA!

SHKARKO APP

App Store
Google Play

Bennett: Propaganda më e mirë është e vërteta

29 Shtator 2017, 19:51, Aktualitet CNA

Drejtoresha e Pergjithshme e Zërit të Amerikës, Amanda Bennet tha në emisionin Përballë të gazetarit Lutfi Dervishi, në RTSH 1 se edhe në kushtet e cunamit të informacionit e vërteta vazhdon të mbetet propaganda më e mirë. Znj. Bennett pohoi se gazetaria po kalon kohë të vështira sa I përket lirisë së medias, në Ballkan, ashtu si edhe në të gjithë globin.

?Shoh probleme me lirinë e shtypit në këto 5 vende, por shoh edhe pak shpresë. Dhe shoh gazetarë të rinj që përpiqen, lexojnë, mësojnë dhe përpiqen të zgjerojnë hapësirën e lirisë së medias?- I tha znj. Bennett gazetarit Lutfi Dervishi.

Sipas Drejtoreshës së Përgjithshme të Zërit të Amerikës, një ndër betejat e gazetarisë së vërtetë është edhe ajo me fakenews/lajmet fallco dhe post-truth/përtej së vërtetës.

?E di që nuk është e lehtë për ta fituar këtë betejë, por nuk dua që njerëzit të përdorin termin fakenews. Sepse në momentin që t?i thua fakenews, ke hedhur një premisë. Nëse është fake/fallco, atëherë nuk ka si të jetë lajm. Lajm është ajo që është e bazuar mbi një fakt, jo ajo çfarë ti perception apo ajo që ti mendon se është fakt.?– u shpreh znj. Bennett në RTSH 1.

?Gjëja e parë që duhet bërë është që nuk duhet pranuar një gjë e tillë si post truth (përtej së vërtetës). Nuk ka gjëra përtej së vërtetës?– tha Drejtoresha e Përgjithshme e Zërit të Amerikës.

Znj. Bennet e sheh perparimin e teknologjise, e sidomos internetit sa si kërcënim për punën e gazetarëve, por edhe si një mjet në shërbim të tyre.

?Tani shohim që interneti dhe cunami i informacionit janë kërcënim për punën tonë, por në anën tjetër është edhe një ndihmë më e madhe sepse ne tani tek Zëri i Amerikës mund t?i arrijmë audiencat shumë më lehtë me mjetet që kemi në dispozicion. Pra, është kërcënim, por në anën tjetër interneti është edhe instrument.?/CityNews





Lajmet e fundit nga