web counter
LEXO PA REKLAMA!

SHKARKO APP

App Store
Google Play

Rrilë, Lezhë/ Gruaja lind dy vajza brenda tre ditëve

29 Shtator 2017, 19:10, Aktualitet CNA

Pas 32 vjetësh familja Marku, vihet në dijeni se kishin edhe një pjesëtar tjetër në familje.
Nuk janë të paktat rastet e shtimit apo pakësimit të pjesëtarëve të familjes në certifikatat familjare. Fiks Fare solli një rast të tillë në Rrilë të Lezhës, në familjen e Gjon Markut. Në certifikatën familjare të z. Marku janë regjistruar 2 vajza që kanë lindur në të njëjtin muaj e vit , vëtëm se njëra vajzë ka lindur 2 ditë më parë se tjetra.

Beltina Marku erdhi në jetë në datën 17.02. 1985 në këtë familje dhe dy ditë më vonë në datën 19.02.1985 erdhi në jetë një vajzë tjetër me emrin Emiranda. Zonja Drande Marku sipas certifikatës, bëri dy fëmijë brenda tre ditëve. Asnjë në këtë familje nuk dinte për lindjen e vajzës së dytë, por në certifikatën familjare ajo ekzistonte.

Familja Marku është vënë në dijeni për këtë pjesëtar të ri të familjes vetëm para pak kohësh, kur zoti Marku bëri dokumentet për bashkim familjarë në Itali. Konsullata Italiane në Shkodër nuk ia pranoi certifikatën familjare, pasi pa që vajzat kishin lindur brenda tre ditëve.
Emiranda Marku është vajza e një bashkëfshatarit të zotit Marku dhe të dy bashkëshortët nuk e njohin personalisht vajzën që sipas Gjendjes Civile u ka lindur 3 ditë më vonë se vajza e tyre e vërtet.





Lajmet e fundit nga